Mac OS

Mac OS, ye l'abreviatura de Macintosh Operating System (Sistema Operativu de Macintosh), ye'l nome del primer sistema operativu d'Apple pa los ordenadores Macintosh. El Mac OS orixinal foi'l primer sistema operativu con una interfaz gráfica d'usuariu en tener ésitu. L'equipu de Macintosh taba formáu por Bill Atkinson, Jef Raskin y Andy Hertzfeld.

Hai dellos puntos de vista alredor del desarrollu de Macintosh y onde ñacieron les idees posteriores. Mientres el venceyu ente'l proyeutu Macintosh y el proyeutu Alto en Xerox PARC recueyese nos documentos históricos, les contribuciones tempranes del Sketchpad d'Ivan Sutherland y el On-Line System de Doug Engelbart son igual d'importantes.

Apple quitó-y importancia, a sabiendes, a la existencia del sistema operativu nos primeros años de Macintosh pa facer que la máquina yera más prestosa pal usuariu y a distanciala d'otros sistemes como MS-DOS, que yeren un desafíu téunicu. Apple quería que Macintosh vierase como un sistema que trabayara namás prendelu.