Libreville ye la capital de Gabón y de la provincia d'Estuaire. Con una población de 899 000 habitantes (2025) (362.400 en 1993) acueye'l 40% de la población del país, representando los europeos 1/6 de la so población. Ciudá portuaria sobre'l ríu Gabón, cerca del golfu de Guinea, y centru de comerciu de la rexón de Timber. Foi fundada en 1843 como puntu d'intercambiu. Esclavos lliberaos de los Estaos Xuníos asentáronse nesta ciudá en 1848 bautizando'l sitiu como Libreville (Ciudá llibre en francés). Foi'l puertu principal de les colonies franceses d'África Ecuatorial Francesa ente 1934 y 1946.
En Libreville atópense la Escuela d'Alministración y la Escuela de Lleis de Gabón. Ye sede de la Universidá Omar Bongó, que cunta con un Departamentu d'Español, encargáu d'espublizar la llingua española y les cultures hispanoamericana y hispanoafricana.
L'Aeropuertu Internacional de Libreville sirve de base principal de la llinia aérea Air Gabon.
Clima
Con una temperatura media de 25.9°C, les lluvies son bien comunes a lo llargo de tol añu, y los meses más secos son xunu, xunetu y agostu.
 Parámetros climáticos permediu de Libreville, Gabón 
| |||||||||||||
|---|---|---|---|---|---|---|---|---|---|---|---|---|---|
| Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
| Temperatura máxima media (°C) | 29.5 | 30.0 | 30.2 | 30.1 | 29.4 | 27.6 | 26.4 | 26.8 | 27.5 | 28.0 | 28.4 | 29.0 | 28.6 |
| Temperatura media (°C) | 26.8 | 27.0 | 27.1 | 26.6 | 26.7 | 25.4 | 24.3 | 24.3 | 25.4 | 25.7 | 25.9 | 26.2 | 25.9 |
| Temperatura mínima media (°C) | 24.1 | 24.0 | 23.9 | 23.1 | 24.0 | 23.2 | 22.1 | 21.8 | 23.2 | 23.4 | 23.4 | 23.4 | 23.3 |
| Lluvia (mm) | 250.3 | 243.1 | 363.2 | 339.0 | 247.3 | 54.1 | 6.6 | 13.7 | 104.0 | 427.2 | 490.0 | 303.2 | 2841.7 |
| Díes de lluvia (≥ 1 mm) | 17.9 | 14.8 | 19.5 | 19.2 | 16.0 | 3.7 | 1.7 | 4.9 | 14.5 | 25.0 | 22.6 | 17.6 | 177.4 |
| Hores de sol | 175.2 | 176.8 | 176.9 | 176.8 | 159.5 | 130.6 | 119.2 | 90.4 | 95.9 | 112.9 | 134.6 | 167.8 | 1716.6 |
| Humedá relativa (%) | 86 | 84 | 84 | 84 | 84 | 81 | 81 | 81 | 84 | 87 | 87 | 86 | 84 |
| Fonte: NOAA | |||||||||||||
Enllaces esternos
- Wikimedia Commons acueye conteníu multimedia sobre Libreville.
- Páxina web (en francés)
