Air Greenland (tamién conocida como Greenlandair) ye l'aereollinia nacional de Groenlandia, cola so sede en Nuuk. Opera principalmente rutes internes y ofrez dalgunos vuelos internacionales haza Copenḥague y Baltimore. Ofrez servicios a toles comunidaes de Groenlandia, opera vuelos chárter, taxi aereu y viaxes especiales en calidá d'ambulancia y n’operaciones de rescate. La so base principal ye l'aeropuertu de Nuuk.
Códigos
- Códigu: Asociación de Tresporte Aereu Internacional (IATA): GL
- Códigu: Organización d'Aviación Civil Internacional (OACI): GRL
- Llamada: Greenlandair
Historia
L’aereollinia foi creada en payares de 1960, entamando les sos operaciones col nome de Greenlandair. Foi fundada pola empresa Scandinavian Airlines System (SAS) y pola empresa minera Kryolitselskabet. Nel 1962 el gobiernu provincial de Groenlandia y el gobiernu de Dinamarca fixéronse copropietarios. Nel 1988 Greenlandair entamó les sos operaciones con un primer avión a propulsión, un Boeing 757-200. Nel 2002, Greenlandair camudó’l so nome pol d'Air Greenland.
El serviciu internacional a Copenhage tresportó cuasi 95.000 pasaxeros en 2003. Nel 2003 Air Greenland ganó'l contratu pa los vuelos haza la Base aérea de Thule de la Fuercia Aérea de los Estaos Xuníos (anguaño sirvíu por Scandinavian Airlines System, SAS). Los vuelos haza la base aerea de Thule entamaron en febreru de 2004. Nel 2007 esta aereollinia tresportó a 403.000 pasaxeros.
Servicios
Air Greenland opera les siguientes rutes (en xineru de 2005):
- Rutes internes: Aasiaat, Alluitsup Paa, Groennedal, Ilulissat, Kangerlussuaq, Kulusuk, Maniitsoq, Nanortalik, Narsaq, Narsarsuaq, Nuuk, Paamiut, Pituffik, Qaanaaq, Qaarsut, Qaqortoq, Sisimiut, Upernavik y Uummannaq.
- Rutes internacionales: Copenḥague dende Kangerlussuaq y Narsarsuaq; Baltimore (sólo mientres el mes d'agostu).
Flota
La flota de güei día ye de 21 aviones qu'incluyen 1 Airbus A330-200, 1 Boeing 757-200, 8 DHC Dash 7, 1 Super King Air y 1 Twin Otter y dellos helicópteros.
