لحرب د ڤييطنام (بلڤييطنامية:Chiến tranh Việt Nam، و اللي تسمّات تا لحرب التانية د لاندوشين، ولاّ لحرب د لمقاومة ضد ميريكان) هي حرب وقعات ف ڤييطنام، لاووص و كامبودج، ما بين 1 نونبر 1955 و 30 أبريل 1975. رسميا كانت لحرب ما بين الشمال د لبلاد اللي كان شيوعي، و لجنوب اللي كان رأسمالي. و لكن كل واحد من هاد الجوج كانو معاونينو بزاف د لبلدان اللي مع لإيديولوجيا ديالو. لحرب د ڤييطنام محسوبة من بين أكبر لحروب اللي دازو ف لقرن لعشرين.
سالات لحرب ف 1975، و ربح فيها الشمال الشيوعي واخا كانت لميريكان مع لجنوب. توحدات لبلاد موراها و تسمّات "لجمهورية لإشتراكية د ڤييطنام". التقديرات تيقولو باللّي ماتو مابين مليون تال جوج د لمليون د الناس ف هاد لحرب.
دول لي تحاربو
تحاربو بزاف د لبلدان و لمجموعات ف لحرب د ڤييطنام، منهم:
من الجيهة الشيوعية
- الشمال د ڤييطنام
- ڤييط كونڭ
- لخمير لحومر
- الشينوا
- كوريا الشمالية
من الجيهة د ميريكان
- لجنوب د ڤييطنام
- ميريكان
- كوريا لجنوبية
- طايلاند
- ؤسطراليا
- فيليپين
- لجمهورية د لخمير
- لمملكة د لاووص
ويكيميديا كومنز عندا تصاور و معلومات على لحرب د ڤييطنام.
