Brave (Browser)

D’ äärschta Wärsioon vum Browser ìsch àm 20. Janner 2016 veräffentligt worra.

Bis ìm Àuigscht 2016 hàt s’ Unternamma Galdààleegunga vu mìndeschtens 7 Millioona Dollar vu Risikokàpitààlunternamma wia-n-em Peter Thiel siim Founders Fund, da Propel Venture Partners, em Pantera Capital, em Foundation Capital un dr Digital Currency Group bikumma.

Ìm Nowamber 2019 hàt Brave s’ Warbanätzwark Brave Ads grìnda, wo ìn da B’nutzer a Umsàtzààtail vu 70 Prozant z’ruckgìtt. Bii da Ààzaigakunda hann d’ Partner vum Unternamma g’heert wia Vice, Home Chef, ConsenSys, eToro un àndra.

Ìm Nowamber 2020 hàt Brave bekànnt gaa, àss’r jeeder Moneet 20 Millioona B’nutzer häjg, un ìm Hornung 2021 häjg’r d’ Màrka vu 25 Millioona moneetliga B’nutzer ìwwerschrìtta.

Àm 3. März 2021 hàt Brave bekànnt gaa, àss’r d’ Süachmàschììnatäcknologii vum ehamooliga Browserhaarschtäller Cliqz ärworwa, fìr siina aigana Süachmàschììna Brave Search äntwìckla. Dr ehamooliga Ìnhààwer, s’ diitscha Verlààgshüüs Hubert Burda Media, b’sìtzt zitterhaar Ààtaila àn Brave.

Ìm Janner 2022 hàt Brave zem äärschta Mol jeeder Moneet 50 Millioona àktiiwa B’nutzer g’hàà.

Brave bàsiart zitter 2018 uff Chromium, un düat Warbung un Tracker blockiara. Uff iOS bàsiart dr Browser zwààr uff Chromium, àwwer’r verwendet noch WebKit, fìr d’ Websitta dààrschtälla. Vìllicht wìrd sìch dàs boll andra, dänn d’ Europääischa Beheerda wälla, àss Apple siina Schnìttschtälla äffnet.

Dààtaschutz un Sìcherhait

Brave blockiart Warbaààzaiga, Tracker, Cookies vu Drìttààbìater un schìtzt vor Phishing un Malware dur siina „Brave Shields“:

• Tracker: Brave blockiart Täcknologiia, wia z. B. Zäählpixel, mìt wällem s’ B’nutzerverhàlta kààt verfolgt waara, ohna àss’s dr B’nutzer b’märkt.
• JavaScript: dr B’nutzer kààt Javascript fìr ainzelna Websitta odd’r sogààr fìr komplätt àbschàlta, dänn d’ Progràmmiarschprooch JavaScrit, wo ’s ìm Browser gìtt, kààt schaadliga Ìnhàlta noohlààda.
• Fingerprinting: Brave schìtzt dr B’nutzer vor Fingerprinting, ìndam’r d’ B’nutzer-Metadààta wia Betribbssüschteem, Browserkännung usw. loo randomisiara.
• Cookies: dr B’nutzer kààt d’ Cookies äntwaader vu Drìttààbìater odd’r àui vollschtandig blockiara, dänn d’ Cookies känna schaadliga Ìnhàlta b’iihàlta.
• Safe Browsing: domìt kààt dr B’nutzer d’ URLs vor’m Lààda geega-n-a Lischta vun unsìchera URLs priafa — d’ Lischta wìrd vu Google b’raitg’schtällt.
• DNS-Ààbìater: dr B’nutzer kààt a aiganer DNS-Resolver b’schtìmma, wo vu dam vum Betribbssüschteem àbwiicht? D’rbii waara-n-àui DNS-Protokolla wia DoT un DoH unterschìtzt, wo dr DNS-Verkeehr verschlìssla.
• HTTPS Everywhere: Mìt „HTTPS Everywhere“ düat dr Browser ìmmer versüacha, a sìchera HTTPS-Verbìndung schtàtt’ra unsìchera HTTP-Verbìndung uffz’bàuija, àui wänn dr Link odd’r d’ URL dàs nìt änthàlt.
• Browser-Cache: dr B’nutzer kààt äntschaida, wälla B’nutzerdààta b’rainigt waara solla, wänn’r dr Browser schliasst.
• Iibättung vu Social Media-Ìnhàlta: aina Websitta düan ìnteràktiiwa Ìnhàlta üss Soziààla Nätwark wia Facebook odd’r YouTube iibätta. Dr B’nutzer kàt dia loo blockiara.
• Ìnhàltfìlterung: dr Browser hàt a Warbablocker d’rìnn, wo-n-a Räihja vu Blacklists fìr DNS-Ààfrooga b’raitschtällt. Dr B’nutze kààt aigana schwàrza Lischta per Web-URL iibìnda.
• Tor-Fanschter: Brave kààt.onion-Wäbàdrassa vum ànonüüma Tor-Nätzwark äffna. Fìr dàs màcha brüücht m’r normààlerwiis a aiganer Tor-Browser.

Brave Rewards

Brave bìatet a Opzioon, fìr b’schtìmma-n-Ààzaiga vum aigana Warbadianscht „Brave Rewards“ iiz’blända, wo dr Nutzungsverhàlta nìt verfolga, fìr somìt d’ Prìwààtsfeera vum Nutzer schìtza. Fìr d’ Iibländung ärhàlta d’ Browsernutzer un d’ Browser-Ààbìater jewills 15 %, d’ Websittabetrììwer bis züa 70 % vu da Iinààhma. Dia Vergiatung wìrkt mìttels’m Basic Attention Token. Mìt dàs kààt dr B’nutzer äntschaida, ob „g’raachta“ Warbunga-n-ààgezaigt waara odd’r nìt.

a Wallet, wo drìnn ìsch

Mìt Brave Payments wìrd jeeder Moneet a fäschtg’lajta Galdsumma àn Websittabetrììwer un àui zitter 2017 àn YouTube-Kànaala (uff Bààsis vu dr Uffrüafdüür) b’zààhlt. S’ Süschteem wìrkt mìttels em Basic Attention Token (BAT, a ERC-20-Toker uff Bààsis vu dr Ethereum-Blockchain).

VPN

Brave bìatet üsserdam a aiganer Prìwààta-VPN-Dianscht àà, wo dr g’sàmta Nätzwerkverkeehr vum B’nutzer bis zem VPN-Server vu Brave verschlìsselt. Fìr daa Dianscht müass m’r jedoch bezààhla.

• Umschtrìttunga-n-um BAT un Warbung: Vertratter vu da Zittunga The New York Times, The Washington Post un The Wall Street Journal so wia wittera Mìtglììder vu dr Newspaper Association of America hann ìn’ma Briaf s’ Browserkonzäpt kritisiart, dänn’r säjg illegààl Ìn Ìhra Àuiga säjg s’ Konzäpt nìt z’ unterschaida vu’ma Diabschtààhl vu da Ìnhàlta vu da Zittunga, fìr sììe uff dr Websitta vu dr Brave Software Inc. z’ veräffentliga. Dr CEO Brendan Eich hàt dàs wììderschproocha: Dr Browser datt d’ Ìnhàlta vu da Websitta nìt fìr a unärlöibta Wììderveräffentligung b’nutza, àwwer dätt numma d’ Sitta zammasätza.
• Fehlenda Verlàuifs-Sünkronisàzioon: D’ Sünkronisiarung vum Browserverlàuif ìsch nìt vollschtandig implemantiart.
• G’schaftspràktika: Friahjer ìsch Kritik àn da G’schaftspràktika vu Brave gsìì, wo jedoch zem greeschta Tail biig’lajt worra sìnn. Àm Ààfàng Jüüni 2020 ìsch bekànnt worra, àss Brave ohna B’nutzer-Ärlöibniss bii Sitta-n-iigààwa fìr Kryptobeersa otomààtisch a Lìnk züag’fiagt hàt, fìr ìwwer Affiliate Partner Iinààhma z’ärziila. Dia Funkzioon ìsch jez inàktiiv, wämm’r sììe nìt iischàltet.

• Offiziälla Websitta (meehrschproochig)

Dä Artikel basiert uff ere fräie Übersetzig vu dere Version vum Artikel „Brave_(Browser)“ vu de hochdütsche Wikipedia. E Liste vu de Autore un Versione isch do z finde.