- Vir ’n artikel oor die digter sien Aleksander Poesjkin.
Poesjkin (Russies: Пу́шкин) is ’n dorp 26 km suid van Sint Petersburg, Rusland. Die bevolking is 92 721 (2010-sensus).
Geskiedenis
- Hoofartikel: Tsarskoje Selo.
Die dorp is in die 18de eeu gestig as ’n somerwoning van die keiserlike familie met die naam Tsarskoje Selo (Tsaardorp). In 1918 het die Bolsjewiste die dorp se naam verander na Detskoje Selo (Kinderdorp) en in 1937 is dit weer hernoem na Aleksander Poesjkin met die honderdste herdenking van die digter se dood. Hy was een van die eerste studente aan die dorp se liseum.
Op 17 September 1941 het Nazi-Duitsland die dorp ingeneem en baie van die historiese geboue, monumente en kunswerke verwoes. Die Sowjetunie het die dorp op 24 Januarie 1944 bevry.
Verwysings
- Hierdie artikel is merendeels vertaal vanaf die Engelse Wikipedia-artikel en:Pushkin (town)
Eksterne skakels
- Historiese feite, kaart, weer en aanwysings vanaf Sint Petersburg
