音符

喺五線譜入面，音符亦都可以係冇聲、淨得長短嘅休止符，音符長短實際代表嘅拍子數量視乎拍子記號點寫，常見嘅音符包括：

	全音符	二分音符	四分音符	八分音符	十六分音符
音符
休止符

點字樂譜嘅音符

五線譜嘅音符可以用盲人點字表示，但係用嘅係特別嘅音樂點字，同正常嘅點字唔同。技術上嚟講，點字譜嘅音符係特定嘅點字方格，長短包含咗喺音符入面，唔同嘅八度就用附加嘅點字方格表示。

簡譜嘅音符主要係阿拉伯數字（曾經亦用過小寫中文數字）；長短用唔同位置嘅橫線表示，冇聲、淨得長短嘅休止符用 0 表示，唔同嘅八度用上加點同下加點表示。

工尺譜嘅音符主要係漢字同形似漢字嘅類似符號；時值唔直接表示（日本工尺譜除外），但係可以由叮板符號間接判斷，旋律冇聲用空板符號間接表示，唔同嘅八度用唔同嘅偏旁、唔同嘅字或者附加嘅筆劃表示。