葉芝（William Butler Yeats，1865年6月13號—1939年1月28號），又譯作「葉慈」、「耶茨」，愛爾蘭詩人、劇作家，神秘主義者。葉芝係「愛爾蘭文藝復興運動」嘅領袖，幫手創辦阿貝劇院。
葉芝早年嘅創作仍然具有浪漫主義風格，善於營造夢幻氛圍，例如佢喺1893年出版嘅散文集《凱爾特曙光》便屬於呢隻風格。然而進入不惑之年後，喺現代主義詩人龐德呢啲人嘅影響之下，尤其是佢加入愛爾蘭民族主義政治運動之後，葉芝嘅創作風格變曬，更加貼近現代主義。
葉芝唔只做艾比劇院嘅決策，重做埋愛爾蘭國會參議員一職。佢好重視自己嘅社會職務，係愛爾蘭參議院中出名勤力。喺1923年得諾貝爾文學獎，獲獎嘅理由係「用高度藝術化且靈感滿瀉嘅詩去表達成個民族嘅靈魂」。1934年，佢同埋吉卜林獲得歌德堡詩歌獎。
