Jenna Marie Ortega tí a bí ní ọjọ́ Kẹtàdínlọ́gún oṣù kẹsàn-án ọdún 2002, jẹ́ òṣèrébìnrin ọmọ orílẹ̀-èdè Amẹ́ríkà. Ó bẹ̀rẹ̀ sí ń ṣeré nínú àwọn fíìmù láti ìgbà èwe rẹ̀, ó sì gbajúmọ̀ fún ipa rẹ̀ nínú eré Jane the Virgin (2014–2019). Ó gbajúmọ̀ si lọ́pọ̀lọpọ̀ nígbà tí ó ṣe Harley Diaz nínú eré Disney kan, Stuck in the Middle (2016–2018), ó sì gba àmì-ẹ̀yẹ Imagen Award fún ipa rẹ̀ nínú fíìmù yìí. Ó tún kópa Ellie Alves nínú fíìmù You ní ọdún 2019 àti nínú fíìmù Yes Day (2021) tí Netflix ṣe.
Ortega kópa nínú ọ̀pọ̀lọpọ̀ fíìmù bi The Fallout (2021), Scream àti X (méjèèjì ní ọdún 2022), àti Scream VI ( ní ọdún 2023). Ní ọdún 2022, ó kópa Wednesday Addams nínú fíìmù Netflix tí àpèlé rẹ̀ jẹ́ Wednesday, èyí sì mú kí wọ́n yàn fún àwọn tí ó le gba àmì-ẹ̀yẹ Golden Globe àti Screen Actors Guild Awards.
Ìpìlẹ̀
Wọ́n bí Jenna Marie Ortega ní ọjọ́ Kẹtàdínlọ́gún oṣù kẹsàn-án oṣù 2002,Coachella Valley ní California ni wọ́n bí sí, òun ni ọmọ kẹrin nínú mẹ́fà. Bàbá rẹ̀ wá láti Mexico, ìyá rẹ̀ sì jẹ́ ọmọ Mexico àti Puerto Rica.
