连续介质力学（Continuum mechanics），又叫连续体力学，是物理学、力学个一只分支，处理包括固体、流体个所谓“连续介质”（continuous medium）或者“连续体”（continuum，台湾也简称连体）宏观性质，19世纪由法国数学家奧古斯丁·路易·柯西提出个。
基本假设
连续介质力学个最基本假设是“连续介质假设”：也就是认为，真实个流体搭仔固体，好近似看作由连续个、充满整只空间个介质组成，各個部分当中呒没空隙，物质个宏观性质依然受牛顿力学个支配。描述箇只介质各物理量个数学函数也侪是连续函数。
箇只基本假设忽略脱物质个具体微观结构（对固体、液体微观结构研究是凝聚态物理学个范畴），用一组偏微分方程，比方讲本构方程（constitutive equation，描述介质性质个方程）、基本个物理定律（比方讲质量守恒定律，动量守恒定律等），来表达宏观物理量。连续介质力学排除脱微观搭仔宏观，只适用于一般工程科学个中等尺寸材料或者对象，并弗好用拉原子内部、星体之间等微观搭仔宏观力学分析。