An Tenochtitlan (Kinatsila: Tenochtitlan, Kinatsila nga kaluwas: ( pamati-a)), nga orihinal nga tinawag nga México-Tenochtitlan, usá nga dako nga Mexica nga syudad-nga-estado didâ hin purô ha Danaw Texcoco ha Siong han Mexico. Gintukod han Hunyo 20, 1325, amo ini an pamunuan o kapital han nagtitikadako nga Imperyo Azteca ha ika-15 nga gatostuig tubtub han kadakop hiní han mga Espanyol han 1521.
Ha gihataasi nga takna hini, amo ini an gidako-i nga syudad ha Pre-Columbiano nga mga Amerika. Nahimo ini ha sunod nga usá nga cabecera han Virreinato han Bag-o nga Espanya. Yanâ, an mga naguba han Tenochtitlan nahamutang ha historico nga sentro han Syudad han Mexico.
An Tenochtitlan usá han duhá nga mga Nahua nga āltēpetl (mga syudad-nga-estado) didâ han purô, ngan an ikaduha amo an Tlatelolco.
