Ene province, c' est on boket d' on payis, sorlon li dicotaeyaedje k' i gn a, metans el Beldjike, ås Bas Payis, å Canada, å Marok, evnd. C' est on sistinme administratif (et on mot) ki date di l' Impire romin.
Mwaissès dnêyes
Li province est minêye pa on govierneu d' province, ki dmeure dins l' mwaisse veye del province.
Dins des ôtes payis, çou ki respond ås provinces el Beldjike poite èn ôte no: canton el Swisse, dipårtumint el France.
Les redjon otonome di l' Espagne, les laender e l' Almagne et les estat ezès Stats Unis respondnut purade ås redjons economikes del Beldjike. Mins ces unités la polèt esse ridiscotaeyîs e "provinces".
Les provinces del Beldjike
Discotaeyaedje ouy
El Beldjike, asteure, gn a 10 provinces, cénk el Flande et cénk el Walonreye.
Les provinces del Walonreye, c' est:
- li Province di Lidje, kel mwaisse veye, c' est Lidje.
- li Province di Nameur, kel mwaisse veye, c' est Nameur
- li Province do Roman Payis, kel mwaisse veye, c' est Åve
- li Province do Hinnot, kel mwaisse veye, c' est Mont
- li Province do Lussimbork, kel mwaisse veye, c' est Årlon
Les provinces del Flande, c' est:
- Province do Braibant flamind, kel mwaisse veye, c' est Brussele
- Province d' Anverse, kel mwaisse veye, c' est Anverse
- Province di Flande coûtchantrece, kel mwaisse veye, c' est Brudje
- Province di Flande levantrece, kel mwaisse veye, c' est Gant
- Province do Limbork, kel mwaisse veye, c' est Hasse
Istwere do discotaeyaedje
Divant l' prumî d' djanvî 1995, li province do Braibant rashonnéve çou k' est asteure li Province do Roman Payis eyet l' Province do Braibant flamand.
Gn a yeu sacwants pordjets di dismantchî les provinces. Onk dins les anêyes 1990, ey èn ôte dins les anêyes 2020.
Rivnou par tiesse dins tchaeke province
Li rivnou par djin est eto carculé pa province.
