Enkhuyzn (Nederlands: Enkhuizen, Westfries: (H)enkhúze) is e stad en gemêente in d' Hollandsche provinsje Nôord-Holland in de regio West-Friesland. De gemêente ligt zowel an 't Markermeer of an 't Ysselmeer. De gemêente Enkhuyzn omvat neffest de gelyknoamige stad ook 't dorp Oosterdyk en 't gehucht Westeinde. Der weunn oungeveer 19.000 menschn (2023).
Enkhuyzn stoat bekend lyk Hoarynkstad vanwege zyn verleedn vo d' hoarynkvisscherië. De stad is e belangryk toeristisch center vanwege de goewd bewoarde historische binnestad. In Enkhuyzn wordt Enkhuyzens geklapt, e West-Fries dialect.
Beziënsweirdigheedn
Enkhuyzn ligt binn vestyngwaln die dateern uyt de 17e eeuwe en goewd bewoard zyn gebleevn. D' historische binnestad is deursneen deur grachtn en der zyn verschillige authentieke gebouwn en ryksmonumentn. E deel van Enkhuyzn is beschermd stadsgezicht.
- Drommedoaris, zuydelyke toegangspoorte
- Zuyder- of Sint-Pancraskerke, loatgotische hallekerke
- Wester- of Sint-Gommaruskerke
- Stadhuys, gebouwd tusschn 1686 en 1688
- Boereboom en Oede Gouwsboom, twèe woaterpoortn
- Koepoorte of Westerpoorte, stadspoorte
- Stoasje uyt 1885
- Snouck van Loosenpark
Externe koppeliengn
- Plaatsengids
- AlleCijfers
