6 - Binst e gemascherd bal in den Opera van Stockholm wordt de keunienk van Zweedn Gustav III neregeschootn in zyn rik. Je sterft de 19ste moarte. De krôonprins Gustav is nog minderjoarig en prins Karl, de broere van de keunienk, pakt 't regentschap ip hem.
25 - De Fransche componist Claude Joseph Rouget de Lisle schryft tekst en muziek vo Chant de guerre de l'Armee du Rhin (marslied van 't Reynleger), loater de Marseillaise genoemd.
juli
14 - In de Kaiserdom St. Bartholomäus in Frankfurt am Main wordt Frans II gekrôond tout de keizer van 't Hillig Rooms Ryk. Je goat de latstn zyn.
30 - Revolutionaire troepn uut Marseille marcheern Parys binn. Ze ziengn 't marslied van 't Reynleger, da sinsdien de Marseillaise wordt genoemd.
september
2 - Begun van de bloedigste doagn in de Fransche Revoluusje, de septembermôordn. Een hysterische bende trekt van 't êne gevang noa 't ander vo teegnstanders van de revoluusje van kant te moakn. Elfhounderd gevangenn wordn ofgeslacht.
20 - Slag by Valmy: Overwinnienge van de Fransche ip de Pruusn.
22 - Keunienk Louis XVI van Vrankryk wordt ofgezet. Den Êeste Fransche Republiek wordt uutgeroopn deur de nieuw ipgerichte Nationale Convensje. De Republikeinsche kalender wordt ingevoerd.
november
6 - Slag by Jemappes: De Fransche generoal Charles-François Dumouriez versloat d' Ôostnryksche troepn. De Fransche wordn anzien lik bevryders.
november-december - Generoal Dumouriez doe zyn intrede in Brussel, Mecheln, Antwerpn, Noamn, Luuk en je belooft dat de Schelde goat open verkloard wordn.
