Istorii
Eländpunktan aluz om pandud istorijanedeližiš aigoiš. Kel'talaižed eliba siš videndes voz'sadaspäi EME, nimi oli Brigantion. Rimalaižed anastiba sidä vl 15 EME i kändiba varmitadud Brigantium-lagerikš lähtendan Al'pišpäi kontrolin täht. Vspäi 917 Bregenc oli Forarl'bergan Udal'rihinger-dinastijan rezidencijaks. Sai lidnan oiktusid vl 1200. Toižen mail'man sodan aigan erased lidnan sauvused oliba muretud, sen jäl'ghe mülüi Francijan okkupacižhe zonha.
Bregenc šingotase penen biznesan edheotandoil, metallurgijal, tekstil'tegimištol, stökoltegimištol, turizmal. Lidnan territorii om rahvahidenkeskeižeks transporttesol'meks.
Geografijan andmused
Lidn sijadase federacijanman lodehes, Reinan üläjoksmusen alangištos, Bodenjärven (saks.: Bodensee) päivnouzmaižel randal, 427 m ü.m.t. keskmäižel korktusel.
Matkad Ven-pälidnhasai om 670 km päivnouzmha. Saksanman röun sijadase vides kilometras, Šveicarijan — kümnes kilometras. Lähembaižed Bregencannoks lendimportad sijadasoiš Šveicarijan i Saksanman territorijoil, sen paloin Cürihan lendimport om 120 kilometras päivlaskmha.
Eläjad
Vl 2011 lidnan eläjiden lugu oli 27,831 ristitud, vl 2021 — 29,419 ristitud, federacijanman läz 7,5 %. Kaikiš suremb lidnan ristitišt om nügüd'.
Lidnankundan suim (saks.: Gemeindevertretung) kogoneb 36 ühtnijaspäi. Edeline lidnan pämez'-burgomistr om Markus Linhart (1998−2020).
Galerei
Irdkosketused
- Lidnan oficialine sait (bregenz.at). (saks.)
