VLC mèdia player (xenaralmente conosesto cofà VLC) xe un łetor multimediałe a gratis open source multipiataforma, capase de tór xo dfile audio e video in vari formadi e so vari dispoxidivi, xviłupà dal projeto VideoLAN.
Storia
VLC l'ha tacà cofà projeto acàdemego inte el 1996 co el nome de VideoLAN Client, drìoman modifegà in VLC mèdia player, el xe stà xviłupà cofà un client e un server par el streaming so ła rède del campus. So el prensìpio el xe stà xviłupà da studenti de l'École Centrale de Paris ma indrioman el xe stà portà vanti da programadori de tuto el mondo, e el xe coordenà da l'organixasion sensa scopo de łucro VideoLAN.
El 1º febràro 2001, dopo sìncue ani de xviłupo, el còdaxe de VLC xe stà rescriesto da xero e distribuìo soto łisensa GPL. Dal 2009 el projeto VLC xe separà da ła École Centrale de Paris e xviłupà in modo independente dal projeto VideoLAN.
El logo del cono stradałe uxà in VLC, dexenjà a man inte ła version ad alta resołusion inte el 2006 da Richard Øiestad, el sarìa un referimento a na cołesion de coni stradałi tenjua da l'asociasion dei studenti de 'networking de l'École Centrale.
Caratèristeghe
VLC xe un łetor multimediałe disponìbiłe par i pì difondesti sistemi operativi intra i cuałi: Microsoft Windows, Android, Linux, Apple iOS e macOS.
El suporta in modo nadivo ła maxor parte dei codec audio e video, sti codec i xe prexenti inte el file de istałasion del programa. El łetor utiłixa ła łibrarìa codec libavcodec del projeto FFmpeg par xestìr tanti dei formadi suportài, e l'utiłixa ła łibrarìa de decritasion DVD libdvdcss par xestìr i playback dei DVD sifrai. El pol tór xo alcuni tipi de file anca se danexai e/o inconpleti, o torghine xo el contenjuo mentre che i vien descargai da na rède peer-to-peer (P2P).
VLC pol èsar utiłixà cofà e client par el streaming e el riseviménto dei flusi de rède, e el xe bon de trasméter tuto ciò che el pol łèxer. El ga un server integrà capase de uxar vari protocòłi par el streaming in unicast o in multicast su IPv4 e IPv6, so un network a banda łarga e ła transcodifega de file multimediałi.
So Windows, Linux e altre piataforme VLC fornise un plugin par Firefox, el cuało parmete ai utenti de vixuałixar alcuni file de Quicktime e Windows Media diretamente inte ła pajina web senxa utiłixar prodoti spesìfeghi de Apple o Microsoft. Da ła varsion 0.8.2, VLC el fornise anca un plugin ActiveX, che parmete ła vixuałixasion de sti file anca in Internet Explorer.
Da ła varsion 3.0.0 A se pol vixuałixar video a 360° e in varsion beta xe disponìbiłe el suporto a Google Chromecast.
Formai suportài
VLC pol łèxer tanti formai e contenjidori audio e video drìo el sistema operativo so el cuało el vien exeguìo. Intra i formadi audio el xe suportà ła łetura de CD Audio, file WAV, FLAC, MP3 e altri; intra i vari formai e contenjidori video xe suportà H.263, H.264, HEVC, Matroska (MKV), AVI, DVD e tanti altri. Vista ła stragrànda cuantità de formadi vèci e novi ła so rełativa obsołesensa, par na łista exauriente e axoranda vardar el sito ofisiałe del programa.
Note
Voxe corełae
- Łetor multimediałe
- libdvdcss
- FFmpeg
Altri projeti
- Wikimedia Commons el detien imàjini o altri file so Windows Media Player
- el detien schemi gràfeghi so
Łiganbi foresti
- Modeło:Linganbi forestii
