Varese el xe on comune de ła Łonbardia co pì de 80000 abitanti, capòłogo de ł'omonima provincia.
L'hinterland de ła sità el xe ciamà "Varexoto".
Zeografia
Ła sità de Varexe ła se cata inte na poxision carateristega, ai piè del Sacro Monte de Varexe che el fa parte del Masicio del canpo dei fiuri e el xe sede de on oservatorio astronomico e de na stasion meteorołogica. A segnare el marxene pì baso de ła sità a ghe xe ł'omonimo łago che ła lanbise a niveło de alcune frasion.
Idrografia
El teritorio de Varexe el xe bagnà da pareci corsi d'aqua, e el xe intaresà dal Łago de Varexe. Inte ła frasion Raxa de Varexe, el fiume Olona el ga tre de łe so sorgenti, senpre in sta frasion ł'Ołona el riceve łe aque dei torenti Legnone, Des e Sesnivi (o Vałe del Forno). Pì a vałe, inte ła zona de Bregazzana, a confluise inte ł'Ołona anca i torenti Braschè, Pissabò, Boscaccia e Grassi. A nord est a lanbise Varexe el ramo sorgentisio oriental de ł'Ołona che el score in Valganna; al confine tra Varese e Induno Olona, confluisce inte el fiume el torente Pedana de ła Madona.
Soto Santa Maria del Monte, a sgorga queło che a pò considerarse come el corso d'aqua de Varexe, el torente Vellone. Eso dopo aver bagnà Velate, el traversa coerto Varexe e el va drento inte ł'Olona visin Belforte.
A nord de ła frasion Rasa, a nase el torente Buragona, alimentà da ł'afluente Valgałina, tributario del Łagheto de Brinzio (dito anca "Pozza del Brinzio").
A ł'estremo nord del teritorio varexin, in cresta al Campo dei Fiori, a nase ł'Intrino e el Riazzo, che i bagna Brinzio.
Dała zona montagnoza de Varexe, a nase alcuni torenti che i cofluise inte el Łago de Varexe, i xe el Val Luna e el Rio de Casciago.
A sud de Varexe a score ła Roggia Nuova che ła confluise inte el łago visin Capolago. A Bizzozero a nase el torente Selvagna, che ła confluise inte ł'Olona preso Castiglione Olona. In łocałità Torre San Quirico, quaxi al confine co Gazzada Schianno, a nase el torente Arno o Arnetta, uno dei prinsipałi corsi d'aqua del Baso Varexoto e de ł'Altomiłanexe.
Cultura e monumenti
Varese, dal 1998, ła xe sede de ł'Università dei studi de ł'Insubria, insieme a ła sità de Como.
Dal 1960, ła xe ła sede de ła Scoła Eoropea de Varexe creà par i fiołi dei funsionari eoropei del Sentro Comune de Ricerca.
Cołegamenti
Ła sità ła xe servia da do stasion feroviarie: Varexe, di proprietà del grupo de łe Ferrovie dello Stato, e ła Varexe Nord, de proprietà del Gruppo FNM.
Inoltre Varexe ła xe, insieme a Miłan, uno dei estremi de ł'Autostrada dei Laghi (A8), ła prima autostrada a pedajo reałisà inte el mondo.
Altri projeti
- Wikimedia Commons el detien imàjini o altri file so Varexe
- el detien schemi gràfeghi so
