Twitter

Twitter xe on Servisio de rète sociałe de notisie e microblogging fornio da la società X, Corp. andove i utenti i posta e i pole interajire co mesaji cimai tweet. La Twitter, Inc. ga la sede a San Francisco inte i Stati Uniti.

Twitter dà ai utenti na pajina personale dopo ver fato la rejistrasion, che se pole ajornar co mesaji de testo co na longhesa masima de 280 carateri. Fin al setenbre del 2017, i carateri disponibili i jera solo 140. Tra el setenbre e novembre del steso ano, alguni utenti i poleva xà dopararghine 280 par dopo darghe sta posibilità a tuti.

Twitter contribuise a tanti projeti open source.

L'è sta creà inte el marso 2006 da Jack Dorsey, Noah Glass, Biz Stone ed Evan Williams e lansà inte el lulio del steso ano. El servisio ga da suito ciapà tanta popolarità in tuto el mondo. Inte el 2012 el jera rivà a 500milioni de iscriti e 200milioni de utenti ativi che i va drento el so profilo almanco na olta al mexe. Inte el 2013 el jera uno dei diexe siti pì vardai e el jera sta descrivuo come I SMS de intarnet. A partir del 2016, Twitter el ghea pì de 319milioni de utenti ativi mensilmente.