Stocólma (svedéxe: Stockholm ) ła xe ła cavedal de ła Svezia. Ła xe ła séde de Governo e Parlamento, oltre che łógo de rexidénsa del cavo del stato, el re Carlo Gustavo XVI.
Co na popołasion de 788 269 abitanti (30-06-2007), ła xe ła sità pì popołóxa sia de ła Svezia che de ła Scandinavia. Co na popołasion de 1.932.763, l'àrea metropułitana di Stocólma xe ła pì grande de ła Scandinavia.
Aministrativaménte ła xe dividésta in ùndexe munisipałità. El séntro e ła gran parte dei sobórghi ad éło pi visini i xe conpréxi inte ła Munisipałità de Stocólma (750 000 abitanti).
Zeografia
Ła sità ła xe tacada su quatòrdexe ìxołe e su ła riva de l'arsipèłago onde che el łago Mälaren el sfóxa inte el Mar Bàltego. El séntro de ła sità el xe situà virtualménte inte l'acqua. Propio par ste só caraterìstiche, ła sità ła xe ciamada ła "Venesia del Nord".
Łe só coordinae łe xe: 59°21'N, 18°4'E.
Clima
El clima de Stocólma el xe estremaménte vario da stajon a stajon a càusa de ła só latitùdene bastansa setentrionale Inte el sostisio de inverno el dì el dura ca. 6 ore méntre durante el sostisio de istà el pol durarghine anca 18. I inverni quindi i xe tanto frédi, scuri e nevóxi méntre łe istà mite e piovóxe. Ła tenperadura pi basa rejistrada ła xe stada -32 °C invése ła pi alta 36°.
