El Nadałe el xe na festività cristiana che la celebra la nàsita de Jesu, pai cristiani fioło de Dio e de la Vèrzene Maria.
El casca ai 25 de diçenbre (ai 7 de zenaro inte le cieze orientai, pal sbrisamento del lunario zulian).
El tèrmano veneto Nadałe el riva dal latin natalis che el vol dir "nadałìsio", "relativo a la nàsita".
Zà inte el lunario roman el tèrmano Natalis el vegneva doparà par tante festività, cofà el Natalis Romae (21 de Avril) che el comemorava la nàsita de l'Urbe, e el Dien Natalis Solis Invicti, la festa dedicada a la Nassua del Sol (Mitra), anca ela ai 25 e Decenbre, introdota da Aurelian inte 273 d.C, sostituia sucesivamente inte el III secolo da la ricorensa cristiana.
El Nadałe el xe ciamà anca Nadal de Jezù o Natività del Signor e presedenso de le volte da l'azetivo santisimo.