Minnesota

El Minnesota (AFI: ; in ingleze ) el ze el trentaduèzemo Stato fedarà dei Stati Unii de l'Amèrica (el ze entrà far parte inte l'11 de majo del 1858), e el conta al 2018 na popołasion de 5.679.718 abitanti. La capitałe ła ze Saint Paul (307.695), ma ła sità pì popołada ła ze Mineapolis (425.403 abitanti); altri sentri inportanti i ze Duluth (86.277 abitanti), Rochester (99.121 abitanti) e Bloomington (81.446 abitanti). La superfise ła ze de 225.181 km², granda parte dei cuałi ocupai da l'àcua de laghi e fiumi, includesta na parte del Lago Superiore.

Piasà in pozision sentro-nord, e confinante co Cànada, Dakota del Nord e Dakota del Sud, Iowa e Wisconsin, el Minnesota ła ze conosesto cofà ła tera dei 10.000 laghi (in realtà i ze cuazi 12.000). Oltre che sti cuà el conta 6.500 intrà torenti e fiumi, intrà sti cuà ghe ze l'omònemo Minnesota e el Mississippi, che i sboca in tre vàrie diresion: Baja de Hudson in Cànada verso nord, Osèano Atlàntego verso est e Golfo del Mèsego verso sud. Secondo un'antiga lejenda ła tołe el nome dal vocàboło de ła łéngua dakota minisota, o sia "àcua che ła reflete el sieło".

Par ła so pozision zeogràfega el Minnesota ła ga un clima che, inte l'istesa stajon, el vària sensibilmente da setentrion a meridion. Ugualmente defarensià el ze el teritòrio, co pradarie e fèrtiłi pianure verso òvest e verso sud, e rico de boschi de conìfare verso nord e foreste piene de vezetasion verso est (ła parte de foresta na volta conosesta cofà Big Wood).