John McLaughlin, conosùo anca cofà Mahavishnu John McLaughlin (Doncaster, 4 de zenàro, 1942), el ze un ghitarista britànego.
El ze considarà uno tra i mazori ghitaristi viventi. Dotà de na tècnega prezevołe, el se ga de frecuente contradistinguesto par sparimentasion influensàe da łe mùzeghe de orìzene orientałe e da'l stìłe fusion, ma anca par aver zviłupà inte i ani un modo de sonar asè parsonałe.
Biografia
El taca sonar ła ghitara a l'età de ùndeze ani atirà da'l swing e da'l blues, ma ze anca el flamenco ad insinganarlo par ła so mediatesa. Un łibro publegà resentemente Power, Passion and Beauty: The Story of the Legendary Mahavishnu Orchestra el conta ła só vita e cueła rełativa a'l grupo Mahavishnu Orchestra. In staltro ghe ze un pasajo indove se capise ła devosion che fin da zovane el gaveva par ła mùzega.
Me mare ga dovesto secuestrarme ła chitara par mezi parchè A stavo tuto el dì a sonarla e andavo vanti nonostante me sanguenase i dèi., op. cit.
Drìo łe prime espariense in sała de rejistrasion inte i ani sesanta, ze a New York indove el partesipa a łe sesion de In a Silent Way e Bitches Brew de Miles Davis.
Co ła Mahavishnu Orchestra
Miles Davis (come vien refarìo inte'l łibro soramensonà) el gaveva parò notà che McLaughlin e el potente ed inovadivo baterista Billy Cobham i zera maùri e pronti par scominsiar el só suceso individuałe: Hey John ze deso che ti scominsi a pensarghe a'l to grupo, op. cit.
Da'l 1971 a'l 1973 el sona col grupo inte el cuało ze prezente Cobham, ła Mahavishnu Orchestra, par drioman reformarla inte'l bienio 1974/1975 co ła cołaborasion del viołinista Jean-Luc Ponty. In 'sto pariodo vien creài i caołaori The Inner Mounting Flame e Birds of Fire e ze anca da recordàr l'àlbun Between Nothingness and Eternity. Inte'l 1974 el ga fondà anca el grupo de World music Shakti.
Sołista e cołaborasion
El ga cołaborà co inportanti fegure de ła mùzega mondiałe, tra łe cuałe el sasofonista Bill Evans, che ga partesipà a na tersa riunion de ła Mahavishnu Orchestra inte i ani otanta.
Tra i so album pì conosùi ze da sitar Extrapolation co John Surman, My Goals Beyond, disco acùstego co influense indiane, Handful of Beauty, co i Shakti, uno de i primi ezenpi de World Music, el live Friday night in San Francisco, rejistrà co i ghitaristi Paco de Lucía e Al Di Meola inte'l 1981, e Love Devotion Surrender in copia co Carlos Santana, publegà inte el 1973, che contien na revizitasion de A Love Supreme de John Coltrane.
Discografia
Co ła Mahavishnu Orchestra
- 1971 - The Inner Mounting Flame
- 1973 - Birds of Fire
- 1973 - Between Nothingness & Eternity
- 1974 - Apocalypse
- 1975 - Visions of the Emerald Beyond
- 1976 - Inner Worlds
- 1984 - Mahavishnu
- 1986 - Adventures in Radioland
- 1999 - The Lost Trident Sessions
Strumentasion
Chitare
Durante ła so łonghisima carièra McLaughlin ga uzà tante chitare, tra de staltre eco cuełe utiłizae in alcune de łe so insizion pì importanti:
- Gibson L-4 co pick-up Charlie Christian suonata in Extrapolation (1969);
- Gibson Hummingbird co pick-up De Armond uzada in Emergency! (1969) dei Tony Williams Lifetime;
- Gibson Hummingbird in In a Silent Way (1969) de Miles Davis;
- Fender Mustang in Bitches Brew (1970), A Tribute to Jack Johnson (1971), Live-Evil (1971), On The Corner (1972), Big Fun (1974) de Miles Davis e inte el sołistego Devotion (1970);
- Les Paul Custom del 1958 in Turn it Over (1970) dei Tony Williams Lifetime;
- Ovation acustica in My Goals Beyond (1970);
- Gibson SG 6/12 Double-Neck in The Inner Mounting Flame (1971) e Birds of Fire (1973);
- Gibson Les Paul Junior dei ani sesanta in The Lost Trident Sessions (insizion del 1973 publegae inte el 1999) dei Mahavishnu Orchestra;
- Rex Bogue 6/12 Double-Neck in Between Nothingness and Eternity (1973), Apocalypse (1974), Visions of the Emerald Beyond (1975) e in Love Devotion Surrender (1973);
- Les Paul Special (Gibson Byrdland modifegada co un pick-up ezafònego cołegà a un trasformador Systems 360 e a sìe modułi Minimoog) in Inner Worlds (1976);
- Acustica Shakti (Mark Whitebook Custom costruìa da Abe Wechter) in Shakti (1976).
Altri projeti
- Wikimedia Commons el detien imàjini o altri file so John McLaughlin
- el detien schemi gràfeghi so
Linganbi foresti
- Sito ufisałejohnmclaughlin.com.
- (EN) John McLaughlinEnçiclopedia Britannica, Encyclopædia Britannica, Inc.
- Opere di John McLaughlin / John McLaughlin (altra versione)openMLOL, Horizons Unlimited srl.
- John McLaughlinLast.fm, CBS Interactive.
- (EN) John McLaughlinAllMusic, All Media Network.
- (EN) John McLaughlinBandcamp.
- (EN) John McLaughlinDiscogs, Zink Media.
- (EN) John McLaughlinMusicBrainz, MetaBrainz Foundation.
- (EN) John McLaughlinSecondHandSongs.
- (EN) John McLaughlinInternet Movie Database, IMDb.com.
- (EN) John McLaughlinAllMovie, All Media Network.
- (DE, EN) John McLaughlinfilmportal.de.
VIAF (EN) 116694561 · ISNI (EN) 0000 0001 2033 1091 · El vałore SBNV077654 de SBN no el xe mija bon. · LCCN (EN) n83046966 · GND (DE) 119351420 · BNF (FR) cb138973308 (data) · BNE (ES) XX1011060 (data) · NLA (EN) 35312747 · WorldCat Identities (EN) n83-046966
