l'Apollo 11 ła ze sta ła mision spasiałe che ła ga portà i primi òmani su ła Luna, i astronàuti statunitensi Neil Armstrong e Buzz Aldrin, inte el 20 de lujo del 1969 a łe 20:17:40 UTC. Armstrong el ze sta el primo a métar pie sul teren lunare, sie ore pì tardi del lunajo, el 21 de lujo a łe ore 02:56 UTC. Aldrin el zera rivà 19 minuti dopo. I do i ghea vivesto sirca do ore e meza de fora de ła navezeła, e i ghea tolto-sà 21,5 kg de materiałe lunare che i ga dopo portà in Tera. El terso menbro de ła mision, Michael Collins (piłota del mòduło de comando), el zera restà in òrbita lunare mentre chełi altri do i zera inte ła superfise; dopo 21,5 ore dal lunajo, i astronàuti i se ghea reunio e Collins el ghea piłotà el moduło de comando Columbia inte ła trajetòria de retorno su ła Tera. La mision ła zera finia inte el 24 de lujo, co l'amarajo inte l'Osèano Pasìfego.
La mision
Lansada da un razo Saturn V dal Kennedy Space Center, el 16 de lujo a łe 13:32 UTC, ła Apollo 11 ła ze sta ła cuinta mision co ecuipajo del programa Apollo de ła NASA. La navezeła spasiałe Apollo ła zera costituia da trè parti: un Moduło de Comando (CM) che el ospitava i tre astronàuti e ła ze l'ùgnoła parte re-entrada in Tera, un mòduło de servìsio (SM), che el forniva el mòduło de comando de propulsion, enerzia ełètrega, osìzeno e àcua, e un Moduło Lunare (LM). La navezeła ła zera entrà in orbita lunare dopo sirca tre dì de viajo e, na volta otegnesta, i astronàuti Armstrong e Aldrin i se ghea trasferio inte el mòduło lunare Eagle col cuało i zera ndai zo inte el Mare Tranquillitatis. Dopo de ver metesto pie su ła Luna e gaver fatoła prima pasejada lunare de ła stòria, i astronàuti i ghea doparà el stàdio de aseza de Eagle par dasar ła superfise e reunirse a Collins inte el mòduło de comando.
La prima pasejada lunare ła ze sta trasmetesta in direta tełeviziva par un pùblego mondiałe. Inte el métar el primo pie inte ła superfise de ła Luna Armstrong el ghea comentà l'avegnimento co ła sèłebre fraze "sto cuà el ze un picenin paso par l'omo, ma un grando salto par ła umanità". L'Apollo 11 ła ghea concludesto ła corsa spasiałe ciapada in sfida Stati Unii e da l'Union Soviètega inte el contesto pì grando de ła guera freda, portando a conpimento l'obietivo nasionałe che el presidente dei Stati Unii John F. Kennedy el gaveva defìnio el 25 de majo del 1961 in ocazion de un descorso davanti al Congreso dei Stati Unii: "prima che finisa sta dècada, de far aterar un'omo su ła Luna e farlo tornar san e intiero inte ła Tera".
Altri projeti
- Wikimedia Commons el detien imàjini o altri file so Apollo 11
- el detien schemi gràfeghi so
Linganbi foresti
- (EN) Apollo 11Ençiclopedia Britannica, Encyclopædia Britannica, Inc.
- Repository sorgenti di Apollo 11github.com.
- Sito di segnalazione buggithub.com.
VIAF (EN) 145407613 · ISNI (EN) 0000 0001 2337 0045 · LCCN (EN) n79129542 · GND (DE) 4356607-8 · BNF (FR) cb12510596r (data) · WorldCat Identities (EN) n79-129542
