Addis Abeba xe la cavedal de l’Etiopia. La sità la xe stà vlua da l’imperatore Menelik II che la ga ciamà Addis Abeba, che vol dir el novo fior.
Storia
Ne la zona dove ancò se cata la cavedal de l’Etiopia, ghera za on vilagio in tel medioevo. Menelik II ga capiò l’importanza strategica de la zona in tel 1879 e ga volesto costruir la so nova cavedal. I laori par la nova sità xe scominsiai in tel 1886 co la costrusion del palazo imperiale, ancò el xe la sede del municipio. En tel 1936, la sità la xe stà ocupà da le trupe italiane. L’ocupasion italiana la xe durà fin al 1941. Dopo la seconda guera mondiale, l’imperatore Haile Selassie ga fato far de i laori de miglioramento de le infrastruture. Dal 1963, Addis Abeba xe anca la sede uficale de l’Union Africana (prima conosuda come Organizasion de l’Unità Africana). En tel 2006, el governo ga scominsià altri laori de amodernamento de le struture in vista del novo milenio (l’ano domila el xe scominsià el 11 setembre 2007 del nostro calendario). Ne i ultimi ani, el governo de la sità el xe stà imposto dal primo ministro par no darghe el control de la cavedal a l’oposision.
Zeografia
Addis Abeba xe xostruia a i piè del monte Entoto, do se cata n’antica cexa costruia in XV secolo e restaurada da la mojer de Menelik II. La cità la pasa da i 2320 metri sul livel del mar de l’aeroporto, a i 3000 metri de la zona de Gulellè, soto la cima del Entoto. Na carateristica de la sità xe la presensa de eucalipti, piantà oncora a i tempi de Menelik II, e i asini usadi par portar legna in sità.
Altri projeti
- Wikimedia Commons el detien imàjini o altri file so Addis Abeba
- el detien schemi gràfeghi so
