سر درد

اِس میں بغیر کسی مادہ کے محض حرارت پہنچنے یا تفرقِ اتصال سے سر درد پیدا ہوتا ہے۔ اِس کی علامت یہ ہے کہ سر کی جلد چھونے سے گرم محسوس ہوتی ہے، پیاس کا غلبہ ہوتا ہے، منہ اور نتھنے خشک ہوتے ہیں۔ سرد اشیاء کے استعمال یا سرد تدابیر سے سکون ملتا ہے۔ گرم دواؤں کے استعمال سے اضطراب اور بے چینی پیدا ہوتی ہے۔ فہم و عقل متاثر ہوتی ہے۔ نیند کم ہوجاتی ہے اور حواس میں کسی قدر تکدر پیدا ہوجاتا ہے۔

اِس قسم میں کسی مادہ کے بغیر محض برودت سے درد سر پیدا ہوجاتا ہے۔ اِس میں کسی حد تک انسان مخبوط الحواس بھی ہوجاتا ہے جس کی وجہ سے درد سر کی اِس قسم کو "خبط" بھی کہتے ہیں۔ اِس میں سر کی جلد چھونے سے سرد یعنی ٹھنڈی محسوس ہوتی ہے۔ حواس میں تکدر، پراگندگی اور سستی ہوتی ہے۔ درد عام طور پر سر کے پچھلے حصہ کی طرف مائل ہوتا ہے۔ سرد تدابیر و اغذیہ کے استعمال سے روائیداد ملتی ہے اور گرم تدابیر و ادویہ سے سکون ملتا ہے۔

اِس قسم میں عروق دماغیہ خون سے پُر ہوجاتی ہیں اور مرضی عوارض کا سبب بن جاتی ہیں۔ علامات یہ ہیں کہ:  چہرہ اور آنکھوں میں سرخی پیدا ہوتی ہے، پپوٹوں میں تہج ہوتا ہے۔ سر میں شدید گرانی، تمام سر میں خفیف یا شدید نوعیت کا درد ہوتا ہے۔ یہ درد عام طور پر گدی یعنی سر کے انتہائی عقبی جانب کے زیریں حصہ میں یا پیشانی میں زیادہ محسوس ہوتا ہے۔ اِس میں نبض عموماً سریع ہوتی ہے۔ مریض پر نیند کا غلبہ بہت ہوتا ہے تاہم مریض گہری نیند نہیں سوسکتا بلکہ غنودگی سے مشابہہ ایک کیفیت طاری ہوتی ہے۔ اِس میں پیشاپ غلیظ ہوتا ہے۔ نازک مزاج افراد اور دماغی مشاغل والے لوگوں اور رنج و غم کی صورت میں شریانوں کی تڑپ میں غیر معمولی اضافہ ہوجاتا ہے۔ کانوں میں مختلف آوازیں سنائی دیتی ہیں جبکہ ضعف اور رِقت کی صورت میں چہرہ زرد پڑجاتا ہے۔ ہونٹ پھیکے، بے رونق اور اطراف سرد محسوس ہوتے ہیں۔ خفقان کی کیفیت معلوم ہوتی ہے۔ کنپٹیوں کی شریانیں زیادہ درد سے متاثر ہوتی ہیں۔