Sergio Ramos García (; [ A]u velekiwile hi ti 30 Dzivamisoko 1986)i mutlangi wa bolo ya milenge wa xiphurofexinali wa le Spain loyi a tlangaka tanihi mudzaberi wa le xikarhi.Hi ku tekiwa hi vanhu vo tala tanihi un’wana wa vahlayisi lavakulu va le xikarhi va nkarhi hinkwawo, u tiveka hi vuswikoti bya yena byo haha empfhukeni, miri, vurhangeri, na vuswikoti byo nghenisa magoza, u nghenise magoza yo tlula 100 eka Real Madrid. Ku engetela kwalaho,i un’wana wa vatlangi va nga ri vangani lava tlangeke ku tlula 1000 wa mintlangu ya ntirho wa vona.
U velekiwile eCamas exifundzheni xa Spain xa Seville, Ramos u tlangile eka xikolo xa vantshwa xa Sevilla naswona u hete tinguva timbirhi na xipano xa le henhla,a nga si rhurhela eReal Madrid hi ximumu xa 2005.Uyile emahlweni a va xiseketelo xa xipano lexi,laha anga wina 22 wa swidlodlo leswikulu, kukatsa na ntlhanu wa swidlodlo swa La Liga na mune wa swidlodlo swa UEFA Champions League.A ari wa nkoka eka matshalatshala hinkwawo yo hlula ya Champions League,tani hileswi a hlawuriweke eka Xipano xa Nguva ya mphikizano nkarhi wun’wana na wun’wana.Loko a nga ri na kontraka na Real Madrid,u sayinile xipano xa Ligue 1 xa Paris Saint-Germain hi Nhlangula 2021,a heta tinguva timbirhi eka xipano lexi naswona a hlula eka Ligue 1 kambirhi,a nga si tlhelela eSevilla ku ringana nguva yin’we.Endzhaku ko suka eSevilla,Ramos u joyine xipano xa Liga MX Monterrey,laha a nga va mukaputeni wa xipano naswona a tlangile eka nkandziyiso wo sungula wa Khapu ya Misava ya Tiklabu ta FIFA leyi andlariweke.