toki Insi (toki Insi la: हिन्दी, हिंदी, Hindi) li toki tan ma Palata. nanpa pi jan toki la, ona li nasin toki nanpa wan lon ma Palata. lon poka toki Inli la, ona li toki pi kulupu lawa pi ma Palata.
toki mama ona li toki Sankita.
kalama
toki ante la, toki Insi li jo e kalama mute.
kalama pini
| open uta | kiwen/nena
uta |
monsi nena
uta |
sewi kiwen | sewi ko | monsi
sewi ko |
lupa | ||
|---|---|---|---|---|---|---|---|---|
| nena sinpin | m म | n̪ न | ɳ ण | ŋ ङ | ||||
| pini toki | kalama ala | p प | t̪ त | ʈ ट | t͡ʃ च | k क | (q) क़ | |
| kon | pʰ फ | t̪ʰ थ | ʈʰ ठ | t͡ʃʰ छ | kʰ ख | |||
| kalama | b ब | d̪ द | ɖ ड | d͡ʒ ज | ɡ ग | |||
| kon kalama | bʱ भ | d̪ʱ ध | ɖʱ ढ | d͡ʒʱ झ | ɡʱ घ | |||
| pini lili | kalama ala | f फ़ | s स | ʂ ष | ʃ श | (x) ख़ | ɦ ह | |
| kalama | ʋ व | z ज़ | (ʒ) | (ɣ) ग़ | ||||
| kon telo | l̪ ल | j य | ||||||
| kon telo lili | kalama ala | r र | ɽ ड़ | |||||
| kalama | ɽʱ ढ़ | |||||||
jan mute li toki e kalama /q x ɣ/ sama kalama /k kʰ g/.
jan li ken toki e kalama /f/ sama kalama /pʰ/. jan ni mute li lon ma pi tomo ala. jan mute pi ma tomo li ante li toki e kalama /pʰ/ sama kalama /f/. ni li ante sin.
toki mute la, pini toki li ante lon kalama. ni li sama toki Kanse. toki ante la, pini toki li ante lon kon. ni li sama toki Sonko. toki ante la, pini toki li ken jo e kon e kalama ala, li ken jo e kon ala e kalama. ni li sama toki Inli. toki ni ale la, toki Insi li ante. toki Insi la, pini toki li ken jo e kon ala e kalama ala, li ken jo e kon e kalama ala, li ken jo e kon ala e kalama, li ken jo e kon e kalama. ni li sama toki ante pi ma Palata.
kalama open
| sinpin | insa | monsi | |
|---|---|---|---|
| pini mute | iː ई ɪ इ | uː ऊ ʊ उ | |
| pini lili | eː ए | ə अ | oː ओ |
| open lili | ɛː ऐ | ɔː औ | |
| open mute | aː आ |
kalama open ale li ken lon nena kin.
kalama open /ə ɪ ʊ/ li lili. kalama open /aː ɛː eː iː ɔː oː uː/ li suli.
