The Beatles (cy grupi čo nom «Liverpuli co odəm», Liverpool Four; inglisi zyvonədə hežo cy grupi nom bənə Fab Four pevylo byə) — britanijə rok-grup cy Liverpuliku, 1960 sorədə soxtə byən, əcəj dylədə hənək kardejdəbin Čon Lennon, Pol Makkartni, Čorč Harrison, u Ringo Starr. Həmən čurbəčurə vaxtonədə grupədə ištirok kardəbin Stuart Satkliff, Pit Best u Čimmi Nikol. Əvon əvvəl de 1950-inə soron rock and roll musigi binokardəšone yštə musigi karjera, peše muxtəlif žanrondə ifašon kardə, hətta psixodelik rok žanrədən. Cəvon musigi karjera 60-inə soron sosio-mədəni ingilabon devr təsadufyš kardə, cəvon kali mahnionən by devriku yštə təsiršon sə.
Cy The Beatles vejni kompozisijon soxtə byən Čon Lennoni u Pol Makkarni həmmyəllifəti u de cəvon ǧolon. Grupi diskografijə 13 gylə rəsmi studijə albomyš heste, bešən 1963—1970 soronədə, u 211 gylə mahne.
Beatles musigi tarixədə ən jolə hodisondə gyləjni byə. Yn grup bə musigi tarixi ve jolə tohfon doəše, vote bəbe ki, musigi tarixədə tožə jolə səhifə okardəše. Detobə ısat yn rok grup yštə populjuarətiš ogətə. Bə ym grupi, bəcəj mahnion aludəəti de "Beatlemania" nomi məšhure dynjoədə. Beatles-i təsir bə musigi sənaje təsir hələən dəvom kardə.
1970-inə sorədə həmmə dynjo bə hejrət vardə ğəroršon ğəbul karde. Tikəj cymi bəpeštə cy dynjo mətbuot Beatles grupi uzvon ijəndyku čo be barədə xəbəršon səlo došone. 1980-inə sorədə Čon Lennoni Nju-Jorkədə kyštyšone, 2001-inə sori cy grupi čo gylə uzvən vəfotyš karde.