Himalaj (sanskr. हिमालयः, IAST: himālayaḥ «voə lonə», hindi हिमालय, nepal. हिमालय, tibet. ཧི་མ་ལ་ཡ) — Zəmini ən barzə bandy-ku. Himalaj ce Tibeti səpejnə bandon (kobistonədə) ijən Hind-Gangi hajmi mijono (nysoədə) vyrəbəvyrə bejdə.
Himalaj ce Hindystoni, Nepali, Cini Tibet muxtarə rəjoni, Pakistani, Butani ijən Mjanmə kišvəronədə vyrəbəvyrə bejdə.
Himalaj bandy-ku ce Mijonə ijən Nysoə Asijə mijonoje, dyrozi 2900 km-e ijən hovuži 350 km. Səth təxminən 650 həzo km². Šonə mijonə bylyndi 6 km, ən barzə 8 884 m — Čomolungma (Everest) ku. Ijo da gylə həšthəzojnə bandon hestin.
Əholi vejni de kaštori məšǧule, hažygo həvosət dojdə perosne kali gandymon, buməsef, ijən kali həvzəvoton.
Etimologijə
Sanskritə nom «Himalajə» ce ǧədimə hind-avropə rišonku omə *gheim — (zymyston) ijən *(s)lei- (dəcyke).
Čoǧrafijə
Bandi tykon ce dyjo səpe 8 km bylyndi Jolə Himalaj hisob bejdə, ən nyzymə dəvarə roon 4 km bylyndisə mandən. Jolə Himalajədə vej bijə kardə byə vyron hestin səth 33 həzo km² ve. Həšipemə toniku Brahməputrə dəje, həšinyštə toniku — Hind ru.
Gədə Himalaj tykon bə 2,4 km rəsedən, həšinyštə toniku — 4 km ce dyjo səpe.
Himalajədə yštə əvvəli bino kardejdən ce Nysoə Asijə əsosə rujon — Hind, Gang, Brahməputrə.
Himalaj — bejnəlxəlǧə alpinizmi vyrəje (vejni Nepalədə).
