Ang Solarolo (Romagnol: Slarôl) ay isang comune sa lalawigan ng Ravena, rehiyon ng Emilia-Romaña sa Italya, na matatagpuan mga 40 kilometro (25 mi) timog-silangan ng Bolonia at mga 30 kilometro (19 mi) sa kanluran ng Ravena.
Ang Solarolo ay may hangganan sa mga sumusunod na munisipalidad: Bagnara di Romagna, Castel Bolognese, Cotignola, Faenza, at Imola.
Kilala ito sa pagiging tahanan ng mang-aawit na si Laura Pausini.
Kasaysayan
Ang lugar ay pinaninirahan mula noong Panahon ng Bronse. Ang mga guho ng isang nayon ay natagpuan: ang pamayanan ay aktibo sa pagitan ng 1600 at 1200 BK at ito ay inayos sa natatanging mga kumpol na pinaghihiwalay ng mga trintsera; nakita ang ebidensiya ng pag-aalaga ng baka at pagtatanim ng mga butil. Simula noong 187 BK, isang matinding aktibidad ng senturyasyon ang isinagawa ng mga Romano at ito ay makikita pa rin sa kasalukuyan sa sala-sala ng mga lansangan sa kanayunan; itinayo rin ang villa sa sala-sala na ito.
Mga kakambal na bayan – mga kinakapatid na lungsod
Ang Solarolo ay kakambal sa:
- Rhêmes-Notre-Dame, Italya, simula 1999
- Kirchheim am Ries, Alemanya, simula 1999
