Ang San Giovanni Rotondo ay ang pangalan ng isang bayan at komuna sa lalawigan ng Foggia at rehiyon ng Apulia, sa katimugang Italya.
Ang San Giovanni Rotondo ay tahanan ni Padre Pio ng Pietrelcina mula 28 Hulyo 1916 hanggang sa kaniyang kamatayan noong 23 Setyembre 1968. Ang Simbahang Pamperegrino ni Padre Pio itinayo sa debosyon sa santo at inialay noong 1 Hulyo 2004. Ang bayan ay kilala sa sentro ng ospital at pananaliksik-medikal na Casa Sollievo della Sofferenza (Tahanan para sa Lunas ng mga Nagdurusa) na itinatag ni San Pio ng Pietrelcina.
Ang kalapit na santuwaryo ni San Miguel Arkanghel ay isa ring lugar ng mga peregrinasyon ng mga Katoliko at binisita ni Papa John Pablo II noong 1987.
Kasaysayan
Ang lungsod ng San Giovanni Rotondo ay itinatag noong 1095 sa mga guho ng isang dati nang nayon mula noong ika-4 na siglo BK; nananatili ang mga nakikitang palatandaan ng nayong ito, tulad ng ilang mga libingan at isang pabilog na baptisteryo (ang epiteto na "Rotondo" ay nagmula rito) na, ayon sa tradisyon, ay dating ginamit para sa pagsamba sa diyos na may dalawang mukha na si Jano, at kalaunan ay inilaan kay San Juan Bautista. Noong Huling Gitnang Kapanahunan, palagi itong may mahalagang papel sa organisasyong pang-ekonomiya ng Timog.
