Ang Roccasecca ay isang komuna sa Lalawigan ng Frosinone, sa rehiyon ng Lazio sa gitnang Italya. Ito ang lugar ng kapanganakan ni Tomas Aquino.
Mga pinagmulan ng pangalan
Ang toponimo ay isang tambalang salitang "rocca," na nangangahulugang "pinatibay na lugar na matatagpuan sa mataas na lugar," at ang pang-uring "secca," na tumutukoy sa matinding kakulangan ng tubig sa Bundok Asprano, kung saan itinayo ang kastilyo na siyang nagbigay ng pangalan sa nayon.
Kasaysayan
Ang kasaysayan ng Roccasecca ay mahigpit na nakatali sa estratehikong posisyon nito, isang "tuyong rocca " sa pasukan sa dalawang makitid na desfiladero na nagbibigay daan sa Valle di Comino sa ibaba ng mga dalisdis ng Monte Asprano, na ang taas ay 553 metro (1,814 tal) na nagbibigay ng natural na posisyon upang makontrol ang malawak na Valle del Liri. Ang mga labi ngsinaunang perimetrong pader ay nagpapatunay sa isang maagang portipikadong presensiya sa paligid ng pook. Ang Roccasecca ay nagsilbi bilang isang estasyon ng daan para sa mga sinaunang Romanong lehiyon at mga sumasalakay na hukbo na tumatawid sa Ilog Melfa, na pinalawak ng tatlong sinaunang tulay roon, at ang mga labi nito ay umiiral pa rin. Gayunpaman, tunay na nagsimula medyebal na komuna noong maagang Gitnang Kapanahunan.
