Ang Nule (Sardo: Nùle) ay isang comune sa Kalakhang Lungsod ng Sacer, awtonoming rehiyon ng Cerdeña, kanlurang Italya, na matatagpuan mga 140 kilometro (87 mi) sa hilaga ng Cagliari at mga 60 kilometro (37 mi) timog-silangan ng Sacer.
May hangganan ang Nule sa mga sumusunod na munisipalidad: Benetutti, Bitti, Orune, Osidda, at Pattada.
Kasaysayan
Ang lugar ay naninirahan na sa panahon ng pre-Nurahiko at Nurahiko, dahil sa pagkakaroon ng ilang mga libingan ng mga higante at ilang nuraghe sa lugar.
Noong Gitnang Kapanahunan, ito ay bahagi ng Husgado ng Torres, sa curatoria ng Monte Acuto. Nang bumagsak ang Husgado/Giudicato (1259), una itong nasa ilalim ng kapangyarihan ng pamilya Doria, at pagkatapos ay nasa ilalim ng kontrol ng Giudicato ng Arborea. Simula noong 1350 ang buong lugar ay nasa ilalim ng sakop ng mga Aragones. Ang bayan ay isinama noong ika-18 siglo sa dukado ng Monte Acuto, isang teritoryo ng pamilyang Tellez-Giron ng Alcantara, kung saan ito tinubos noong 1839 sa pagbuwag sa sistemang piyudal.
