Si Jules Gabriel Verne (Pagbigkas sa Pranses: ) (8 Pebrero 1828 – 24 Marso 1905) ay isang may-akdang Pranses na nagpasimula ng henerong kathang-isip na pang-agham. Pinaka nakikilala siya dahil sa kaniyang mga nobelang Twenty Thousand Leagues Under the Sea (1870), Journey to the Center of the Earth (1864), at Around the World in Eighty Days (1873). Marami sa kaniyang mga nobelang ang kinasasangkutan ng mga elemento ng teknolohiya na hindi kapanipaniwala noong kaniyang kapanahunan subalit naging pangkaraniwan na pagdaka. Siya ang pangalawang pinaka isinasalinwikang may-akda sa buong mundo (na kasunod ni Agatha Christie). Ilan sa kaniyang mga aklat ang ginawa rin upang maging mga pelikula at mga palabas na pantelebisyon. Madalas na itinuturing si Verne bilang "Ama ng Kathang-Isip na Pang-agham", isang pamagat na paminsan-minsang isinasalo kina Hugo Gernsback at H. G. Wells.
