Ang Ifugao ay isang walang baybayin na lalawigan ng Pilipinas sa Cordillera Administrative Region sa Luzon. Lagawe ang kapital nito at napapaligiran ang Benguet sa kanluran, Mountain Province sa hilaga, Isabela sa silangan, at Nueva Vizcaya sa timog.
Pinangalan ito sa Ilog Ifugao.
Sa lalawigang ito, pangunahing atraksiyon sa mga turista ang Hagdan-Hagdang Palayan ng Banawe. Nabuo ang mga hagdan-hagdang palayan na ito sa mga bundok na walang tulong ng makina na nagbigay ng mga hagdan para sa mga katutubo upang makapatanim ng palay. Noong 1995, ipinahayag ng UNESCO ang lugar nito bilang Pamanang Lugar sa Mundo (World Heritage Site).
