Ang Cusco, madalas baybayin bilang Cuzco (Quechua: Qusqu, ), ay isang lungsod sa timog-silangan ng Peru, sa silangang dulo ng Buhol ng Cuzco malapit sa Lambak Urubamba ng kabundukan ng Andes. Ito ang kabesera ng Rehiyong Cusco at ng Probinsiya ng Cusco. Ang lungsod ay ang ikapitong pinakamataong lungsod sa Peru, at noong 2017 mayroon itong populasyon na 428,450. Ang taas nito ay nasa tinatayang nasa 3,400 metro (11,200 tal).
Ang lungsod ay ang makasaysayang kabesera ng Imperyong Inca mula ika-13 siglo hanggang sa pagsakop ng Espanya sa ika-16 na siglo. Noong 1983, idineklara ang Cusco na isang Pandaigdigang Pamanang Pook ng UNESCO na may titulong "Lungsod ng Cuzco". Ito ay isang pangunahing patutunguhan ng turista, na binibisita ng halos 2 milyon kada taon. Ang Saligang Batas ng Peru (1993) ay nagtatalaga rito bilang Makasaysayang Kabesera ng Peru.
Mula noong 1976, ang piniling lokal na pagbaybay ng lungsod ay Cusco, upang ipakita ang kasalukuyang pagbigkas sa Español at Quechua; mula noong 1990, ipinagtibay ng mga lokal na awtoridad ang Qosqo bilang pagbaybay, upang maging mas malapit angkop sa wikang Quechua.
