Mayte Michelle Rodriguez alizaliwa 12 Julai 1978 anayejulikana kuigiza filamu kama Girlfight, The Fast and The Furious, Blue Crush, Resident Evil, S.W.A.T., na Avatar. Vilevile, ameigiza kama Ana Luzia Cortez kwenye kipindi cha Lost.
Maisha yake
Rodriguez alizaliwa mjini Bexar County, Texas. Yeye ni mtoto wa Carmen Milady na Rafael Rodriguez - aliyefanya kazi kwa jeshi la Marekani. Rodriguez alihamia nchini Dominican Republic alipokuwa na miaka minane pamoja na mamake na akaishi Puerto Rico mpaka alipofika miaka kumi na moja, na baadaye kuhamia mjini New Jersey. Rodriguez alijiunga na chuo kikuu na kusomea biashara lakini akaiacha na kujiunga na shule ya uigizaji, akiwa na azma ya kuwa mwandishi wa filamu.
Uigizaji
| Filamu | |||
|---|---|---|---|
| Mwaka | Filamu | Aliigiza kama | Maelezo |
| 2000 | Girlfight | Diana Guzman | |
| 2001 | The Fast and the Furious | Letty | |
| 3 A.M. | Salgado | ||
| 2002 | Blue Crush | Eden | |
| Resident Evil | Rain Ocampo | ||
| 2003 | S.W.A.T. | Chris Sanchez | |
| 2004 | Control | Teresa | |
| 2005 | BloodRayne | Katarin | |
| 2006 | The Breed | Nicki | |
| 2007 | Battle in Seattle | Lou | |
| 2008 | A Cat's Tale | Jujube | Sauti |
| Gardens of the Night | Lucy | ||
| 2009 | Fast & Furious | Letty | |
| Trópico de Sangre | Minerva Mirabal | ||
| Avatar | Trudy Chacon | ||
| 2010 | Machete | Luz | |
| 2011 | Battle: Los Angeles | Corporal Adriana Santos | |
| Army of Two | Alice Murray | ||
| 2012 | Resident Evil: Retribution | Rain Ocampo | |
| Filamu | |||
| Mwaka | Jina | Aliigiza kama | Vipindi |
| 2005 | Punk'd | Mwenyewe | 1 |
| Immortal Grand Prix | Liz Ricarro | 26 | |
| 2005-2006, 2009 | Lost | Ana Lucia Cortez | 25 |
| 2007 | Adventures in Voice Acting | Mwenyewe | 1 |
Mashtaka
Mnamo Machi 2002, Rodriguez alifungwa kwa ajili wa kumpiga rafiki yake. Madai haya yalitolewa pindi aliyempiga alipokataa kwenda kutoa ushahidi mahakamani. Mnamo Juni 2004, Rodriguez alishtakiwa kwa kuendesha gari ilhali alikuwa amelewa. Alipelekwa rumande kwa masaa 48.
Mnamo 2005, alipokuwa anarekodi Lost mjini Hawaii, alishikwa mara kadhaa na polisi kwa ajili ya kuvunja sheria barabarani na akatozwa faini ya $357.
Maisha ya kibinafsi
Mnamo 2000, alipendana na Muislamu lakini akaachana naye akisema kuwa dini hiyo ina sheria nyingi. Mnamo 2003, Rodriguez ameonekana akiwa na muigizaji Olivier Martinez nchini Ufaransa.
