Citakan:Other uses
Maroko (Basa Arab: المغرب al-Maghrib; basa Berber: ⵍⵎⴰⵖⵔⵉⴱ Lmaɣrib), resmina Karajaan Maroko (Basa Arab: المملكة المغربية al-Mamlaka al-Maghribiyya:; basa Berber: ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ Tagldit n Lmaɣrib), nyaéta hiji nagara nu aya di Afrika Kalér. Nagara ieu miboga populasi nu leuwih ti 32 yuta jiwa sarta aréa 710.850 km², jeung ogé maréntahan wewengkon Sahara Kulon (nu dipaséakeun statusna). Nagara ieu mangrupa bagian ti wewengkon Magribi, sareng Tunisia, Aljazair, Mauritania, jeung Libya, nu boga patalian sajarah, basa, jeung budaya.
Maroko mangrupa hiji monarki konstitusional kalawan parlemén anu dipilih. Raja Maroko miboga kakawasaan éksekutif nu lega, kaasup kamungkinan ngabubarkeun parlemén. Kakawasaan législatif dipiboga ku boh pamaréntah boh parlemén 2 kamarna, Déwan Pawakilan jeung Majelis Déwan. Sang Raja ogé tiasa ngaluarkeun dékrét nu disebut dahir nu miboga kakiatan hukum. Pamilu parlemén dilaksanakeun di Maroko dina 7 Séptémber 2007, jeung diperhatoskeun ku sababaraha panénjo nétral minangka paling bébas jeung adil; sanajan partisipasi ngan 37%, nu pangsaeutikna dina sababaraha dékade. Ibu kotana nyaéta Rabat, jeung kota panggedéna nyaéta Kasablanka; kota gedé lianna contona Marrakésh, Tetouan, Tangier, Salé, Fes, Agadir, Meknes, jeung Oujda.
Kalobaannana urang Maroko nyaturkeun minimalna hiji ti dua Berber jeung Arab Maroko minangka basa indung. Basa-basa éta duanana miboga dialék jeung logat wewengkon.
Babagian administratif
Maroko dibagi kana 16 région, jeung dibagi deui kana (total) 62 préféktur jeung propinsi.
Région
Minangka bagian ti hukum déséntralisasi/régionalisasi 1997, 16 région nyar dijieun, nyaéta:
- 01. Oued Ed-Dahab-Lagouira
- 02. Laâyoune-Boujdour-Sakia El Hamra
- 03. Guelmim-Es Semara
- 04. Souss-Massa-Draâ
- 05. Gharb-Chrarda-Béni Hssen
- 06. Chaouia-Ouardigha
- 07. Marrakech-Tensift-El Haouz
- 08. Oriental
- 09. Grand Casablanca
- 10. Rabat-Salé-Zemmour-Zaer
- 11. Doukkala-Abda
- 12. Tadla-Azilal
- 13. Meknés-Tafilalet
- 14. Fés-Boulemane
- 15. Taza-Al Hoceima-Taounate
- 16. Tangier-Tétouan
Status Sahara Kulon
Ku sabab konflik di Sahara Kulon, status wewengkon "Saguia el-Hamra" jeung "Río de Oro" dipaséakeun. Pasarikatan Bangsa-Bangsa nempo Sahara Kulon minangka hiji wewengkon tanpa pamaréntahan sorangan, jeung minangka hiji perkara ti dékolonisasi nu teu réngsé. Pangawasaan Maroko kana wewengkon ieu teu diakuan sacara internasional, pun ogé républik merdika anu diajukeun Polisario, hiji grup Saharawi nu ngalawan panjajahan Spanyol jeung teras pikeun kamerdikaan Sahara Kulon minangka Républik Démokratik Arab Sahrawi (ayeuna markasna di Aljazair). Aya gencatan senjata ti 1991, jeung hiji misi PBB (MINURSO) pikeun ngurus hiji réferéndum sangkan téritori ieu merdika atawa diakuan minangka bagian ti Maroko.
Téritori ieu kalobaannana diparéntah minangka Propinsi Kidul ku Maroko saprak Spanyol ngaleupaskeun wewengkon ieu ka Maroko jeung Mauritania sanggeus Pasatujuan Madrid dina 1975–76. Bagian ti téritori, Zona Bébas, nyaéta hiji aréa nu teu didumukan nu diatur the Front Polisario minangka Républik Démokratik Arab Sahrawi kalawan markasna di Tindouf, Aljazair.
Perang Sahara Kulon
Perang Sahara Kulon nyaéta konflik senjata antara Front pagerakan kemrdikaan pambarontakan nasional Polisario Sahrawi jeung Maroko sareng Mauritania pikeun kawasa kana urut jajahan Spanyol, Sahara Kulon; lumangsung ti 1976 nepi ka 1991. Perangna ngahasilkeun kaluarna Spanyol dina 1976, kaluarna Mauritania dina 1979, jeung gencatan senjata sareng Maroko. Kalobaannana ti wewengkon tetep dina kadali Maroko.
Lanskap jeung monumén
Ouzoud Falls deukeut Azilal, Atlas Tengah
|
Jbel Toubkal, gunung pangluhurna di Afrika Kalér
|
Dano Tislit, di Imilchil, Atlas Luhur
|
Ifrane, Atlas Tengah
|
The Pagunungan Rif
|
Oued Laou
|
Lebak Imlil di Atlas Luhur
|
Oasis Figuig, Maroko wétan
|
Volubilis, situs arkéologi deukeut Meknes
|
Chefchaouen, Maroko kalér
|
Universitas Al-Karaouine di Fes.
|
Masjid Koutoubia diwangun ku Dinasti Almohad. (abad ka-12)
|
Munara Hassan, Rabat. Diwangun ku Yaqub al-Mansur (abad ka-12)
|
Ben Youssef Madrasa di Marrakésh, diwangun dina abad ka-14ku Sultan Abu al-Hassan.
|
Madrasa Bou Inania di Fes, diwangun ku Sultan Abu Inan Faris, abad ka-14.
|
Bab Mansour di Meknes
|
Tempo ogé
Tumbu kaluar
- Loka resmi pamaréntah Maroko Archived 2006-04-25 di Wayback Machine
- Parlemén Maroko
- Layanan Umum Archived 2011-05-13 di Wayback Machine
- Éntri Morocco di CIA World Factbook
- Sumber wéb Maroko disadiakeun ku GovPubs dina Perpustakaan di Universtias Colorado–Boulder
- Maroko di Open Directory Project
- Atlas Morocco Wikimedia, ngandung peta ngeunaan Morocco.
Tempo ogé Maroko di Wikivoyage
Citakan:Morocco topics
