Dialog

"Dialog" mangrupa unsur wacana disawang tina interaksi sosial. Unsur wacana dialog sipatna intraksional. Dina dialog anu dipentingkeun téh lain eusi, tapi 'Komunikasi timbal-balik'. Aya dua rupa wujud dialog, nyaéta konvérsasi jeung tutukeuran. Konvérsasi atawa paguneman nyoko kana unit pangjembarna (maksimum) tina kagiatan makéna basa ku dua urang panyatur atawa leuwih, boh ragam lisan boh tulis, ukuranana panjang, jeung waktuna lumangsung lila. Ku lantaran mangrupa unit intraksi basa pangjembarna, konvérsasi téh bisa ogé disebut gabungan tina tutukeuran.