Philosophie

Ju Philosophie is ju Leere fon dät Wieten, fon do Uursproange un fon dän Touhoopehoang fon do Dingere in de Waareld, fon dät Weesen un Toanken.

Gebiete wiermäd n Philosoph sik befoatje kon, sunt t.B.:

• Ontologie Wät is dät wät buute uus is? Is dät juust as wie dät sjo un fäile?

• Epistomologie is ju Leere fon dät Kannen. Kon me wuudelk kanne? Un Kunde, wät hat dät eegentelk?

• Ethik is ju Leere fon goud un ferkierd.

• Logik is ju Leere fon do Foarme un Gesätse fon dät gjuchte Toanken.

• Theologie: Wäl is God? Wo konnen wie Him kanne?

• Natuurphilosophie truchfoarsket ap Gruund fon ju Natuurwietenskup dät Weesen fon do Natuurdingere un dät Natuurgeböären.

• Geschichtsphilosophie wol Weesen un Sin fon ju Geschichte tjuude uut hiere ärfoarskboare Ärschienengen.

• Kultuurphilosophie is ne tjuudende un beuurdeeljende Betrachtenge fon ju Kultuur.