Srebrenica (Cirilik serb: Сребреница) është një qytezë dhe komunë e vendosur në pjesën më lindore të Republika Srpska, një entitet i Bosnjës dhe Hercegovinës. Është një qytezë i vogël malor, ku industria kryesore është minierat e kripës dhe një llixhë aty pranë. Që nga viti 2013, qyteza ka një popullsi prej 2,607 banorë, ndërsa komuna ka 13,409 banorë.
Gjatë Luftës së Bosnjës në vitin 1995, Srebrenica ishte vendi i një masakre të më shumë se 8,000 burrave dhe djemve boshnjakë, e cila më pas u cilësua si një akt gjenocidi nga ICTY dhe Gjykata Ndërkombëtare e Drejtësisë.
Demografia
Siapas regjistrimit të popullsisë së vitit 1991, komuna e Srebrenicës ka pasur 36.666 banorë, të përhapur në 81 vendbanime. Pas arritjes së marrëveshjes së Daytonit komuna e Srebrenicës në tërësi iu dha Republikës Serbe
Përbërja nacionale e popullsisë
Komuna e Srebrenicës sipas regjistrimi të 1991-ës ka pasur gjithsejt: 36.666 banorë. Përbërja nacionale ka qenë:
- Boshnjak - 27.572 (75,19%)
- Serb - 8.315 (22,67%)
- Kroat - 38 (0,10%)
- Jugosllav - 380 (1,03%)
- tjerë, të pa përcaktuar dhe të panjohuri, - 361 (0,98%)
Ndërsa qyteti Srebrenica, sipas regjistrimi të 1991-ës ka pasur gjithsejt: 5.746. Përbërja nacionale ka qenë:
Ekonomia
Përpara vitit 1992, në qytezë kishte një fabrikë metali dhe aty pranë minierat e plumbit, zinkut dhe arit. Emri i qytezës (Srebrenica) do të thotë "miniera e argjendit", i njëjti kuptim i emrit të vjetër latin Argentaria.
Para luftës, Srebrenica kishte gjithashtu një llixhë të madhe dhe qyteza lulëzoi nga turizmi i mirëqenies nga uji i burimit Crni Guber ("Guber i Zi") dhe burime të tjera. Në ditët e sotme, Srebrenica ka pak turizëm, por shumë më pak të zhvilluar se para luftës. Aktualisht, në qytezë funksionojnë një pension, motel dhe një bujtinë.
Galeria
