Oulu (ruoŧagillii: Uleåborg) lea suopmelaš gávpot, mii lea Mearrabađa davveoarjegáttis Oulujoga njálmmis, Davvi-Pohjanmaa eanangottis. Jagis 1605 Ruoŧa gonagas Carl IX vuođđudii Oulu. Dainna lágiin Oulu lea Davvi-Suoma boarráseamos gávpot.
Oulu olmmošlohku lei jagis 2013, miessemánu 31. beaivve 191 368, ja viidodat lei 3 880,63 km², mas 3 031,00 km² lei eana, 82,04 km² sisčázi ja reasta, 767,58 km² lea mearra. Oulu olmmošlohku lei jagis 2025 juovlamánus 217 469.
Oulu rádjegielddat leat Hailuoto, Ii, Kempele, Liminka, Lumijoki, Muhos, Pudasjärvi, Tyrnävä ja Utajärvi (2013). Guovllustis Oulu lea sihke hálddahuslaš ja gávppálaš guovddáš.
Oulu lea menestuvvan bures gávpogiid mannanáigásaš imagodutkamiin. Jagis 2008 Taloustutkimus almmuhii dutkama, mas Oulu lei stuorra gávpogiin buoremus riikkaviidosaš imagoárvvoštallamis, go mielde ledje buot leanaid vástideddjiid vástádusat..
