Northren Cyprus or North Cyprus (Turkis: Kuzey Kıbrıs), formally named the Turkish Republic o Northren Cyprus (TRNC) (Turkis: Kuzey Kıbrıs Türk Cumhuriyeti (KKTC),), is a de facto state locatit in the northren portion o the island o Cyprus. Tensions atween the Greek Cypriot an Turkish Cypriot populations culminatit in 1974 wi a coup d'état, an attempt tae annex the island tae Greece an a military invasion bi Turkey in response resultit in a partitionin o the island, the resettlement o mony o its indwallers, an, eventually, a unilateral declaration o unthrildom bi the north in 1983. Northren Cyprus haes received diplomatic recognition anerlie frae Turkey, upon which it is dependent for economic, poleetical an military support. The rest o the internaitional community, includin the Unitit Naitions an the European Union, recognises the de jure sovereignty o the Republic o Cyprus ower the entire island.
Attempts tae reach a solution tae the dispute hae sae far been unsuccessful. In 2004 a fift revision o the UN Annan Plan tae settle the Cyprus dispute wis acceptit bi a majority o Turkish Cypriots in a referendum, but rejectit bi a majority o Greek Cypriots. The Turkish Airmy maintains a lairge force in Northren Cyprus; its presence is supportit an approved bi the de facto local govrenment, but the Republic o Cyprus an the internaitional community regaird it as an illegal occupation force, an its presence haes an aa been denoonced in several United Nations Security Council resolutions.
Northren Cyprus extends frae the tip o the Karpass Peninsula (Cape Apostolos Andreas) in the northeast, wastward tae Morphou Bay an Cape Kormakitis (the Kokkina/Erenköy exclave marks the wastrenmaist extent o the aurie), an soothward tae the veelage o Louroujina/Akıncılar. A buffer zone unner the control o the Unitit Naitions stretches atween Northren Cyprus an the rest o the island an divides Nicosia, the island's lairgest ceety an caipital o baith states.
