| Duminiu: | Eukaryota |
| Regnu: | Animalia |
| Filu: | Chordata |
| Classi: | Mammalia |
| Òrdini: | Artiodactyla |
| Famigghia: | Suidae |
| Gèniri: | Sus |
| Speci: | S. domesticus |
Classificazzioni scintìfica Nomenclatura Binomiàli Sus domesticus
Erxleben, 1777 Synonyms * Sus domestica
- Sus scrofa domestica Linnaeus, 1758
Lu porcu (Sus domesticus) o majali, è n'armalu allatinatu dâ famigghia Suidae, di l'Òrdini Artiodactyla. Lu màsculu granni è chiamatu verru, la fìmmina veni chiamata o porca o troja ma macari scrofa; purciḍḍuzzu, purceḍḍu e macari canzirru quannu è nicu. È unu di l'armali cchiù ùtili e usati di l'omu nzinu dî tèmpura cchiù antichi. Famusu è lu dittu "dû porcu nun si jetta nenti" propia pi nnicari tuttu chiḍḍu ca di st'armali si usa: dî nziti â carni.
Aḍḍivata
L'aḍḍivata dû porcu è na cosa antica. Li primi resti l'avemu ntâ Spagna dû 40.000 a.C. ma si penza ca l'allatinata cci fu ntâ Cina circa 7.000 anni arreti.
Lu porcu nun àvi nu stili di vita strittu strittu a chiḍḍu di l'omu, ntô senzu ca si veni fattu nzarbaggiri arrè, nun àvi prubbremi mi si riadatta. Li diffirenzi ntra lu porcu dumèsticu e chiḍḍu sarbaggiu sunnu nichitti, accussì comu cu lu cignali, c'appoi lu stissu armali è, nfatti si ponnu ncucchiari.
Certi razzi su' aḍḍivati comu armali di cumpagnìa.
Cucina
Lu porcu veni aḍḍivatu suprattuttu pâ carni. Si fannu salumi comu la salami e la murtadella. Si màncianu macari li ntragghi comu ciriveḍḍu, fìcatu e sangu (comu ntô sanceli). Mancu li pedi e l'occhi si jèttanu nta certi banni unni su' manciati. Dû grassu dû porcu avemu lu lardu e la sugna, ca si usa puru pi frìjiri.
Riliggiuni
A certi banni, lu porcu nun è na bona funti pi campari, anzi, ntâ certi curturi (comu p'asempiu chidda islàmica e chidda abbraica) la carni di st'armali è pruibbuta di li pricetti riliggiusi.
Curtura
Lu porcu è assai usatu ntê miti e ntê liggenni, accussì comu ntê cunti e ntê fàvuli, comu chiḍḍa di Li Tri Purciḍḍuzzi.
| L'òrdini di mammìfiri pi suttaclassi |
|---|
| Australosphenida: Monotremata
Marsupialia: Didelphimorphia · Paucituberculata · Microbiotheria · Notoryctemorphia · Dasyuromorphia · Peramelemorphia · Diprotodontia Placentalia: Afrosoricida · Macroscelidea · Tubulidentata · Hyracoidea · Proboscidea · Sirenia · Cingulata · Pilosa · Scandentia · Dermoptera · Primates · Rodentia · Lagomorpha · Insectivora · Chiroptera · Pholidota · Carnivora · Perissodactyla · Artiodactyla · Citacea |
