1640 сыл.
Туох буолбута
- Бүлүү сахалара (кыргыдайдар, өргүөттэр, тоҕустар) уонна тоҥустара Вакуцкай (Боҕууда күөллээҕи, эбэтэр Орто Бүлүүтээҕи) уонна Уус-Бүлүү (Бүлүү төрдүн) симиэбийэлэригэр төлүүр буолбуттар".
- Парфен Ходырев буоластар испииһэктэрин оҥорбут. Ол иһигэр "на Токсоме озере Олеская да Оргуцкая, да Тагуйская, еще Собоницкой волосты якуты". Такыма күөл туһунан этиллэр (билиҥҥи Кэбээйи улууһугар). Олесская волость - Үөлэстэр. Ону таһынан Өргүөттэр, Тоҕустар уонна Лүүчүннэр. Бу буоластар 18-с үйэҕэ Орто Бүлүү улууһа буолбуттара.
- Кулун тутар 6 (уруккуннан олунньу 25) — Стольниктар П.П. Головин уонна М.Б. Глебов уонна дьяк Е. Филатов Парфен Ходыревка Дьокуускай остуруогун атамаан Осип Галкиҥҥа биэрэр туһунан "память" (бирикээс) суруйбуттар. Бирикээскэ тэргэннэр, аманааттар, приход-ороскуот кинигэлэрэ, харчы уонна хаһаас, сулууспалаахтар испииһэктэрэ ахтыллар.
- Алтынньы 10 (уруккуннан балаҕан ыйын 30) — Өлүөнэ өрүс баһыгар, Кута диэн үрэх түһэр сиригэр ампаардары тутар туһунан бойобуода Бүөтүр Головин отписката суруллубут. Кута үрэххэ бояр уола Василий Власьевы, пятидесятник Пронка Важенкины уонна болуотунньуктары ыытар туһунан суруллубут. Бу Кута үрэҕин баһыгар Ангараа салаата Илим үрэхтэн буолак (соһор сир) баара. Бу буолагынан хаһаактар аалларын соһон, Ангараа салаатыттан Өлүөнэ салаатыгар тиийэллэрэ.
- Алтынньы 14 — Икки Саха сирин бойобуодалара Петр Головин уонна Матвей Глебов Москубаҕа ыыппыт суруктара Сибиир бирикээһигэр (Сибиир дьыалаларынан дьарыктанар тэрилтэ) тиийбит. Ол сурукка Илиим өрүс тардыытыгар киирэр сирдэргэ түһээн хомуйары көрдөспүттэр. Бу сири Енисей бойобуодата былдьаһар эбит.
- Сэтинньи 1 — Семен Дежнев Амма, Таатта сирдэригэр аттаммыт.
Өлбүттэр
- Ыам ыйын 4 — Петер Паул Рубенс, уруhуйдьут