Mercedes-Benz — торгова марка и єдноменна компанія - выробляч легковых автомобілю преміонального класа, терьхованых автомобілю, автобусу и другых транспортных средств, входяща в состав нїмецького концерна «Mercedes-Benz Group». Голосит ся єдным из самых спознаных автомобільных бренду у всьому світови. Штаб-квартира Mercedes-Benz находит ся в Штутгартови, Баден-Вюртемберґ, Нїмеччина.
Наименованя торгової маркы было утвержено 28. юнія 1926 года в результатови скапчаня двох конкуруючых фірм, Benz & Cie. (основана Карлом Бенцом) и Daimler-Motoren-Gesellschaft (основана Готлібом Даймлером), в єдиный концерн — Daimler-Benz. Назва бренда вчинена уд двох май булш значущых автомобілю скапчаных компанійов — Mercedes 1901 года и Benz Patent-Motorwagen 1886 года.
У 2018 годови бренд Mercedes-Benz оцїняв ся в 48,601 млрд долару, держав другоє місто (пусля Toyota) помежи компаній-выроблячу автомобілю и восьмоє місто межи всьых бренду світа. По оцїнцї BrandZ, в 2018 годови марка входила в список Top 100 Most Valuable Global Brands, де держала 46 місто помежи май бульш дорогых бренду из цїнов в 25,684 млрд долару. В 2019 годї бренд Mercedes-Benz оцїнив ся в 60,355 млрд долару, тым самым занимав первоє місто в рейтингови компаній-выроблячу автомобілю.
У януарови 2023 года бренд Mercedes-Benz по оцїнцї Brand Finance помежи автобренду заняв другоє місто, оцїнили го в 58,8 млрд долару, полївившы брендови Tesla.
У фебруарови 2024 года бренд Mercedes-Benz заняв первоє місто помежи всьых автомобільных бренду. Аналітикы Brand Finance оцїнили бренд Mercedes-Benz в $59,4 млрд, в общому спискови всьых бренду світа Mercedes-Benz заняв 17. місто.
Удкликованя
Тоты даны суть часточно або цалком основаны на перекладї статї Mercedes-Benz на російскій Вікіпедії.
