Свѣт в найчастѣйше хоснованом вызнамѣ е Земля и цѣлый живот на ней, людска цивилизация.
Свѣт в объективном смыслѣ е комплекс вшиткых объектох и понять, котры екзистують, циже универзум, козмос. Во смыслѣ субъективном свѣт е представа о вшитком, што екзистуе, ограничена знаньом, пониманьом и фантазиев индивида. Иншый свѣт мать дѣтина, а иншый доспѣла особа; иншый свѣт мать примитивный нешколованый чоловѣк, а иншый филозоф.
В теологичном контекстѣ свѣт е материалнов сферов, протикладнов небесной, духовной трансцедентной сферѣ.
Устояны выразы
- Конець свѣта — конець людской истории, часто в набоженском контекстѣ.
- Свѣтова война, свѣтовый язык — в того рода выразох понятя свѣт указуе на меджинародный або меджиконтиненталный розсяг, котрый вшакже не мусить загортати вшиткы части свѣта.
- Свѣтова популация — число людей на Землѣ в хотьякой добѣ.
- Свѣтова економика — комплекс економик вшиткых держав в контекстѣ глобализации.
- Грубый свѣтовый продукт — сума GDP вшиткых держав.
- Свѣт моды, свѣт наукы, фантастичны свѣты — метафоричны выразы.
- Новый и Старый свѣт — Америка и Европа.
Жерела и одказы
Референции
Тоты даны суть часточно або цалком основаны на перекладї статї World на анґліцькій Вікіпедії.
