'A Croazie, ufficialmènde Repubbleche de Croazie (Republika Hrvatska, jndr'ô croate), jè 'nu state de l'Europe cendrale cu 'na popolazzione de 4.494.749 crestiáne (stime 2006), 'a capitale sove jè Zagabrie (Zagreb, 779.145 cr. - date d'u 2001).
Confine a nord c'a Slovenie, a nord-est cu l'Ungherie, ad est c'a Serbie, a sud c'a Bosnie ed Erzegovine e 'u Mondegnure, mendre a ovest jè affacciate ad 'u mare Adriateche. 'A grannèzze territoriale jè de 56.542 km² mendre 'a grannèzze de le acque territoriale jè auguale a 31.067 km².
'A Repubbleche de Croazie jè 'na repubbleche semipresidenziale.'A lènga ufficiale jè 'u croate. 'A Reggione Istriane, ca combrenne 'na granna vanne de l'Istrie, tène ufficialmènde 'u bilenguisme (tagliáne e croate), me l'ause sove cange a levèlle comunale.
'A Croazie fine ad 'u 1991 jève 'na vanne d'a Jugoslavie, mendre 'mbrà 'u 1102 e 'u 1918 ha state aunìte ad 'u Regne d'Ungherie.
'A Croazie jè trasùte a fàce vanne d'a NATO 'u 4 abbrìle 2009 e ha ddà trasè jndr'â ll'Aunìone Europèe 'u 1º luglie 2013.
Bibbliografije
- Jelcic Dubravko Storie d'a letterature croate Editore Guépard Noir, 2005 ISBN 88-901708-9-1
- Giulio Vignoli, 'U Sovrane scanosciute. Tomislavo II Re de Croazie, Mursia, Meláne, 2006
- Giulio Vignoli, Le Tagliáne addemendecate, Giuffrè, Meláne, 2000 (lasse 'nu granne spazie ad 'a minoranze tagliáne jnrd'â Croazie).
- Ludwig Steindorff, Croazie, Beit, Trieste, 2009 ISBN 978-88-95324-03-6
'Ndruche pure
- Adesione d'a Croazie a l'Aunìone europèe
- Esode istriane
- Passaporte croate
- Antemurale Christianitatis
- CARNet
- Lučke kapetanije, Capitanerie de puèrte
- Forze Armate d'a Repubbleche de Croazie
- Pene de muèrte jndr'â Croazie
Otre pruggette
- Uicchizionarie tène il lemma di dizionario «Croazie»
- Uicchimedie Commons tène files multimediale sus Croazie
VIAF (EN) 152376980 · ISNI (EN) 0000 0001 2112 0050 · LCCN (EN) n81035140 · GND (DE) 4073841-3 · BNE (ES) XX452923 (data) · BNF (FR) cb12363401c (data) · J9U (EN, HE) 987007555042705171 · NSK (HR) 000100546 · NDL (EN, JA) 00567032 · CONOR.SI (SL) 386086403
