Ashaninka simiqa (Kampa simi nisqapas) Ashaninka runakunap rimayninmi, Piruw Brasilwan mama llaqtakunapi rimasqa, Apurimaq, Iniy, Tampu, Piriniy, Pichis mayukunap, hanaq Ukayali mayuppas suyunpi.
Huk k'itikunapiqa ashaninka simita rimaq runakunaqa Asháninka, hukkunataq Ashéninka icha Ashíninka nikunkum. Chay hina nisqa k'iti rimayninkunaqa qanchisnintinmi:
- Ashaninka simi (hinalla) (Asháninka, 23-29.000-chá rimaqniyuq)
- Pahunal Ashéninka simi (Ashéninka, 12.000-chá rimaqniyuq)
- Ukayali Yuruwa Ashéninka simi (Ashéninka, 7.000-chá rimaqniyuq)
- Pichis Ashéninka simi (Ashéninka, 12.000-chá rimaqniyuq)
- Uralan Ukayali Ashéninka simi (Ashéninka, 13.000-chá rimaqniyuq)
- Piriniy Ashéninka simi (Ashéninka, 5.500-chá rimaqniyuq)
- Ashininka simi (hinalla) (Axininka icha Ajyíninka Apurukayali, 4.000-chá rimaqniyuq)
Chay hina Asháninka, Ashéninka, Ashíninka nisqa rimaynintinqa 80.000-chá rimaqniyuqmi.
Ashaninka icha "Kampa" nisqa rimay huñumanqa kay ancha kaqlla rimaykunapas kapunmi:
- Numatsiqinqa simi (6.500-chá rimaqniyuq)
- Machiqinqa simi (10.000-chá rimaqniyuq)
- Kakinte simi (300-chá rimaqniyuq)
- Nanti simi (600-chá rimaqniyuq)
Chay Ashaninka huñuman kapuq rimaynintinqa pachak waranqamanta aswan rimaqniyuqmi.
Hawa t'inkikuna
Ashaninka simipi multimidyam
- INDEPA, Piruwpa llaqta takin (ashaninka simipi widyum)
