ہائیڈروجن یا آبساز دوری جدول دا پہلا عنصر اے تے اے کائنات وچ سب توں زیادہ پایا جان آلا عنصر وی اے۔ زمین تے آبسازاں سب توں زيادہ پایا جان آلا عنصر اے۔ سٹینڈرڈ درجہ حرارت تے پریشر تے آبساز دا کوئ رنگ، بو، تے ذائقہ نہیں ہوندا تے ایہہ دو جوہراں نال رل کے بنی اک فارغہ ہوندی اے جیہدا سالمی صیغہ H2 اے۔ دنیا وچ جوہری آبساز بہت گھٹ ہوندا اے کیونکہ ایہہ دوجے عنصراں نال رل کے کوویلنٹ جوڑ بنا لیندا اے۔ آبساز پانی وچ تے بتیرے آرگینی مرکباں وچ ہوندا اے۔
تریخ
رابرٹ بوائل نے 1671 وچ لوۓ چون تے پتلے تیزاب دا آپسی میل ویکھیا جیدے انت تے آبساز فارغہ بنی۔ ہینری کیونڈش پہلا بندا سی جینے آبساز نوں وکھری شے لئی پشانیا۔ اوہنے ایہ گل آکھی جے ایہ اگ لگن والی ہوا فلوجسٹن اے۔ اوہنے 1681 وچ ایہ گل وی لبھی جے اکر ایس کیس نوں ساڑیا جاوے تے ایہ پانی بن جاندی اے۔ عنصر لیئی ایہنوں لبھن تے اوہدا ناں ای منیا جاندا اے۔ 1783 وچ انٹونی لیوائزر نے ایہنوں ہائیڈروجن دا ناں دتا۔
